India ram, Karnataka-ah pa pakhat chuan a nu a pawngsual hnuah a thah avangin man a ni. Tual thattu kum 21 a upa Shivappa hian a pa a chan tawha, a pa thih atanga kum 2 em pawh a ral hmain a nu chuan mipa dang a kawp thin tih hriat a ni. A nu khawsak dan chu duh lovin tual a thah phah ta a ni.
Haveri district a cheng Shivappa, chuan a nu a thah hmain a pawngsual ngat a ni. He thil hi ama tih ngei a nih thu a inpuan hnuah an khuaa police station-ah lak nghal a nih thu an sawi.
Paber hi a thih atangin kum 2 a tling awrh a, hetih laia a nu in mipa dang a lo kawp fo a hmuh chuan a lungngaiin a thinrim hle maia vawi tamtak a nu hnenah a awmdan chu a duhloh thu leh mipa dang nena inkawp chu sim turin a hrilh thin tih police-te hnenah a sawi.
November 13, khan Shivappa chu zu ruiin a nu pawh chu zu a intîr ve bawka, a chhuanlam atan a nu chu an chhungte ina kalpuiah a sawm a, kalkawnga an kal lai chuan a nu chu pawngsualin a that zui ta a ni.
Shivappa chu Indian Penal Code (IPC) Sections 302 leh 376 hmangin a chungthu rêl a ni dawn tih thuneitute chuan an sawi.
