Video mak tak mai chu Kerala aṭangin a lo chhuak leh ta, car tlân lai mêk chuan ui pakhat chu kawngpuiah a hnûk lawp lawp lai hmuh a ni.
He thil hi nimin Zirtawpni khân Paravoor-Nedymbassery Road, Ernakulam District ah a thleng tih hriat a ni.
He Video hi two-wheeler atanga lak niin, ui chu motor hnungah thlungin, motor tlân rualin reilotê chu a tlân ve a mahse, motor tlân chak zâwng chu a phak tawhloh hnuah khawngaihthlak takin kawngpuiah chuan a hnuk zui ta ani.
Tualchhung media-te sawi dan chuan, sawifiah rualloh khawpa nunrawnga thiltitu he thil titu hi ui neitupa Yousuf niin, a ui chu a ning tawh tih an sawi.
Two-wheeler a chuang, Akhil tia hriat leh video latu ni bawk chuan Yousuf chu ava hmachhawn tih a sawi a, i buaina tur a awm lo tiin alo chhâng lêt tih a sawia, “Ui hi lo thi pawh ni se engnge i buaina” tiin alo ankhum bawk niin a sawi a ni.
“Thil hmuh hrehawm tak a ni. Hrui chuan ui nghâwngah a phuar a, kawngpuiah khawngaihna tel miah lovin car in a hnûk” tiin Akhil chuan PTI a hrilh.
Video mak takah chuan, khawlaia ui vak rawlai (stray dog) kawngsira lo awm chu car hnungah tlânin, ui khawngaihthlak tak chu ṭanpui a tum niin a hmuhtheih a ni.
Video a viral hnuah chuan, ui neitupa, kawngsira ui kalsantu chu hmaichhanah an hmu a, an man ta a ni.
Daya members zînga mi chuan, ui chu a hliam nasa hle a, a vun in hîk in, a ruh a lang tih a sawi bawk.
Khawlaia ui vak rawlai, car umtu pawh chu chhanchhuah niin an 2 hian an enkawlna hnuaiah an awm thu an sawi bawk a ni.
The Kerala Motor Vehicle Department chuan Yousuf thiltih avângin a chungah thubuai an ziaklut a, a license tih tawp sak turin dilna an thlen zui bawk.
(VIDEO)
