Hmeichhe pakhat chuan a hna zahawm tak zirtirtu hna thawh aiin Instagram modelling lam a luhchilh ta zawk tih a sawi. A eizawnna a thlâk tâk hnu chuan a hlâwkin a ti fuh hle niin a tarlang bawk.
He hmeichhe Zirtirtu hnathawk hian kum khat ah £27,000 a lakluh ṭhin chu coronavirus hripui vângin a chân ta a, eizawnna dang dapa hma lam kawng zawh tûrin rilru a siamfel ta a ni.
Riley Summers, Los Angeles a khawsa chuan pawisa lâkluhna tur a mamawh hle a, sum lâkluh nân Instagram modelling lam chu luhchilh zâi a rêl ta a ni.
Thu lawmawm tak mai chu, a thlalâk îtawm tak takte chu social media hmangtuten an ning thei meuh lo a ni. Midang hneh thei tak mai chuan @riley.tv ah followers 1.2 million chuang a nei tawh a, thlalak saruak deuhthaw a a lâkte pawh a pholang ṭhîn a ni.
Kum 23 a upa chuan, “Ka hna ka chân a, chu chuan ka rinloh tak maiin vanneihna kawng dang min hawnsak a ni. Tunah chuan social media-ah mi thar chauh ka ni na a mahse nuam ka ti hle–abik takin îtawm taka awm theihna hun remchâng tak min siam bakah hlimna min pe tel hi nuam ka ti zual a ni. Mahse, keimah leh ka followers-te inkârah engemaw in daidanna deuh chu a la awm rih a ni.
“Mahni inrintâwkna min pe nasa hle a, thlalak kawhmawh lampang ka post apiang hian ka lungphu hi a rang ṭhin hle a ni”, tiin Riley chuan a sawi.
Tûnlai hian, Riley chuan kârkhatah online aṭangin £6000 a hlawh ṭhin a ni. A fans sang tam takte aṭanga ngaihsakna a dawn zawng zawngte chuan a hlimna a belhchhah leh zual a ti bawk.
Riley chuan, “Fans-te nen in laichinna ṭha tak ka siam thei a, a tak rama mi bîk ni lem lote pawh mi bîk a inngaihna ka neihtîr theih ve phah a ni. Ka landân aṭanga mite duh rawn nih chu thil nuam tak a ni” tiin a sawi bawk. Ngaihzâwng a nei mêk nachungin rîmtu tam tak a neih thu a sawi.
“Inneih sâwmtu hi ka nei reng maia, ka thlalâk tinah hian mipa pakhat poem nalh tak tak ziaka rawn comment ziah ṭhin a awm bawk a. A thlumin min ti nui nasa ṭhin hle. Comment ho ve tak tak ‘i chhangah butter ka tahsak thei che ang em’ tih ang chi ringawt pawh hi ka duh thei hle a ni” tiin Riley chuan a sawi.
