Zirna huangchhungah chuan TikTok hi rilruah alang hmasa ber kherin a rinawmloh mahse, rohlu tak hmuh tûr a awm tlat. TikTok hmangtu @themelomoon chuan Kenya rama hmeichhe hlang awmna alo tarchhuak tih hriat a ni.

Kum 1990 khân Rebacca Lolosoli chuan a hmuchhuak a, Umoja chu hmeichhia tihduhdah (abuse) tuartute humhalhna hmun a ni. Pawngsual a tâwh hnu, damdawi ina a awm laiin hmeichhia in dikna chanvo an neih theihnan he thil hi a ngaihtuah chhuak ta a ni.

Chu thingtlâng khua chuan hmeichhia leh an fate chu an chêntîr thei a, mahse Umoja ah chuan dân khauh tak an siam a: mipa rêng rêng chên phal a ni lo, an ngaihzawngte pawh phal an ni lo.

Chumi khua chu hmeichhia pawngsual leh tihduhdah tuartute tân in a ni a, pasal an neih luihtîr talchhuak tate leh hmeichhia an zahmawh an tansak (genital mutilation) te chênna a ni bawk.

Kumtling lova pasal neihtîrna (child marriage) a duhlohzia sawichhuakin, Umoja Academy School head Malika chuan, “Hmeichhe naupang chu hma takah pasal a neih chuan, nu nih a tlin lo nghal ang a. Fa an hrin chiahin chona tamtak an hmachhawn nghal a: an thlêr a, thisen a chhuak a achhanchu an la naupan avângin. An tihtûr leh inchhûng hnate an tân chuan a harsa hle a ni. Thilnung enkawl tura paihluh an ni” tiin a sawi.

Kum 2015 zirchianna chuan, Umoja-ah hmeichhe puitling 47 leh naupang 200 an chêng tih an târlang.

An inchawm nân, hmeichhiate chuan kut a siam thawmhnaw (jewelry) an siam ṭhin a, Tourists ho pawhin an khua an tlawh man an pe ṭhin bawk.

“Pawn lamah chuan hmeichhiate chu mipa thuhnuaiah an awm a, an inthlâk danglam thei lo”, tiin chulaia chêng upa ve tawh tak Seita Lengima chuan a sawi a, “Umoja hmeichhiate chuan zalenna kan nei a ni” tiin a sawi bawk.

LEAVE A REPLY

Please enter your comment!
Please enter your name here