Swinger nupui, nupate’n midang mipat-hmeichhiatna hman rualpui duh te tan podcast hmanga ṭanpuitu, ‘The Kinky Pineapple’ chuan Daily Star hnenah kawppui pakhat aia tam neihna hi hlimna bul anih dân a sawi a ni.
He inkawp kualna khawvel, nupate’n midang nen mipat-hmeichhiatna an hman ṭhinna hi, mi pakhat chauh neih theihna British ram chuan an ngaihven ṭan hle a ni.
Kan hrethiam thei lo a ni emaw a rûk a kan ti duh anih pawhin, hetiang nun hi kan ngaihruat a, ngaihsualna a tam em em mai a ni.
Tichuan, kawppui pakhata aia tam nei ṭhin ten, online a thil chhiar zawng zawng hi a dik vek kher lo tih hi mite hriattir an duh tih a sawi.
Hetiang in nundân a thudik hi mite hriattir in tum tihna a ni maw? tiin Daily Star chuan a pasal Mister Swinger nen a midang kawp ṭhin chu a zâwt a ni.
Swinger nupui, Diane hi a pasal nen midang kawp tûr zawnna lamah hna an thawk thin a ni.
Kum 28 a upa chuan, ‘Swingers angin bul kan ṭan hmasa ber a, kan hrechiang zel a hriat belh zel kan duh a ni’ tiin a sawi.
Keimah ai chuan ka pasal hian aruala midang kawp hi nuam a ti zawk a, kawp tur ka neihloh pawhin a neih chuan nuam a ti em em a ni tiin a sawi bawk.
“Kan inneihna hi uluk taka kan ngaihtuah in open marriage turin thu kan ti tlu a, tichuan kan duh duh kan kawp thei tihna a ni. Tunah hian a bialnu 3 vel nen kan inkawp ṭhin a ni.”
Hemite nupa hian Swingers club a kal nuam an tiin ṭhian tamtak an nei bawk.
Diane chuan, “Intawhkhawmna hun hi keimahniin kan buatsaih fo thin. Dating apps ṭhenkhat Bumble, Fetlife emaw the new Craigslist personals Doublelist.com te hi kan hmang ṭhin” tiin a sawi a ni.
Swinger nupui chuan, “Cuckqueen an tih ang chi hi ka ni a, ka pasal hi hmeichhe dang nen mipat-hmeichhiatna an hmangdun lai hi hmuhnawm ka ti hle a ni” tiin a sawi bawk.
“Inpâwl nuam kan tih ang bawkin midang pawhin nuam an tih ve hi kan duh a ni.”
Diane chuan sawifiahin, “A hmasa in mite hian kan in hmangaih lo emaw kan in hmangaih tawkloh vângah an ngai thin a. Mite zirtir kan duh chu keimahni ang rilru an lo pu lo anih pawhin keini chu kan in hmangaih tâwk a ni, chuvângin hmangaih takin kan in pawm ṭhin.”
Sawichhunzawm in, “An hriat sual fo chu nupui zauthau tak emaw awlsam lutuk anga min ngai hi a ni.
“He thil hian min ti hrilhhai fo thin a, ka dating pool pawh a hniam phah rêng bawk a ni. Hun awl a intihhlim nân mipat-hmeichhiatna hman nuam ka tih vâng ringawt in ka hmaa lo kal zawng zawng ka duh tihna a ni lo, mipa leh hmeichhia ten chutiang tûrah min ngaiin ka hria.”
Nupa ni chunga midang va kawp leh pakhat aia tam kawp neihna hian mipat-hmeichhiatna lam ngawr ngawr a kâwk lo tiin a sawi bawk.
Diane chuan a pasal nen inlaichinna an siam tirh aṭangin an pahnih hlim zawk nan inhawng taka inkawp an remtih thu a sawi a ni.
‘Pakhat aia tam kawppui neiin bul kan ṭan a, chuvang chuan a ni ang hlim takin kan la inneih’ tiin a sawi bawk.
“A nupui 3-na ka ni a, tun thlengin tâng ang a in ngaihna leh nuamlo tihna ala nei lo a ni.
“Midang nen kan inkawp lai chuan an duhzawng ka duhloh tam tak a awm a, rilru nghet ka pu thei lo a ni.
“Ka thil duhloh ah hruia thlun ang mai niin ka inhre ṭhin, rilru ka pe thei ngai lo. Ka ning a, nuam ka ti lova, ka ngaihaw ṭhin a ni.
“Mi pakhat ai tam kawp chi ka ni tih an hriat chuan mi tamtak thinlung na in ka siam phah ṭhin a ni” tiin Diane chuan a sawi a ni.
Tunah chuan nupa te hi inhmangaih leh hlim takin an awm mêk a ni.
Swinger nupui chuan, “Kan hlimna anih avângin kan ti thin a, kan inkar pawh a ṭha zual sawtin hlimna leh nawmna kan dawn te chu nuam kan ti dun hle a ni.
“Kan inkârah hian inrinna nghet tak mai a awm a. Mi thar an awm apiangin mipat-hmeichhiatna kawngah nasa takin chakna thar min siam ṭhin a, kan ning ngai mang lo a ni, mahse a chang chuan châkna erawh a reh ve ṭhin tho.
“Midang kawp kawngah chuan ka mihring duh zawng chu an nundan leh an thiamna ka hlimpui theih tur ni sela ka duh a mahse ka ngaih pawimawh ber a chu, ka kawppui in nuam a tih ve ngei hi a ni” tiin a sawi bawk.
