Tunlaiah hmeichhia ṭhenkhatte chuan an mawina atan chuan engkim mai hi an ti duh zel a ang hle. Turkey rama nula pakhat Sevinc Ceklik kum 27 mi chuan ṭhat belh leh deuh tumin a hnar shape siam danglam nan cosmetic surgery a nei tih hriat a ni.
Surgery a neih aṭanga ni 3 a liam hnuah chuan harsatna nasa tak a tâwk ta. A ke 2 chu nasa takin a vung ṭan a, a duk chhuak vek tih hriat a ni. Enkawlna an pek hnuah a dam mai thei lova, kar 2 a liam meuh chuan a ke 2 in an tansak ta ringawt mai a ni.
Damdawi in hrang hrangah an kalpui a, damdawi chi tin a ei pawhin a dam thei chuang lova, Dâktawr-te chuan damdawi ei nasat chu a tân a pawi thei dâwna an hriat avângin a ke chu tansak mai turin thurâwn an lo pe a, an tan zui ta a ni.
Sevinc Ceklik chuan a ke 2 a hloh phah avângin, surgery lo tihsaktu Istanbul private hospital chu zângnadawmna sum £99,928 pe lêt turin an khing ta a ni. Damdawi in lama thawktute chuan he thilah hian tihdikloh an nei lo niin an sawi ve thung. A chhungte chuan a hnar an siam that dâwna an chiuna damdawi nghawng a nih an rinthu an sawi.
Hospital staff lam chuan surgery a tih atanga kar 2 ral hma zawng arsa ei lo turin an hrilh a, kar 2 ralhmain arsa a ei tih an sawi a, hei hian blood poisoning a thlen tih an tarlang bawk. Hei vang hian an hnaah mawhpuh tur an awm lo tiin an ṭang ve tlat a ni.
