World Health Organisation (WHO) chief scientist Dr Soumy Swaminathan chuan November 20, Zirtawpni khan he antiviral drug Remdesivir, coronavirus veite hnena an pek fo thin chu Covid-19 damdawi official list atangin an paih a ni.
He damdawi hman a tihtawpna hi WHO chuan, damlo enkawl dân tura a duante thuawiha zâwm tûrin ram hrang hrangte a hriattir nghal a, ram thenkhatin Covid-19 damdawi an siamte pawh la ring rihlo turin WHO spokesperson Tarik Jasarevic chuan Email in The Indian Express a hrilh a ni.
Remdesivir damdawi hi khawvel pumpuiah Covid-19 natna vei te enkawl nân a tha nia ngaiin damdawiin hrang hrangah damlo enkawl nân an hmang nasa hle a ni.
Zirtawpni khan WHO Guideline Development Group (GDG) mithiam rual ṭhukhawm chuan Remdesivir hi Covid-19 vei damlo nasa tak pawh lo ni sela pek tur tih a awm lo hrim hrim a, achhanchu tunah rih chuan an damkhawchhuahpui tih leh Ventilator vuah ngaiten an dampui tih finfiahna engmah a awmlo a ni tiin Zirtawpni khan BMJ chuan an tarlang.
He damdawi hi tih tâwp tum anihna chhan chu, Covid-19 vei damlo enkawl nâna an hman damdawi hrang hrang an zirchian hnua an khaikhinna atangin a ni. He khawvel hmun hrang hranga Covid-19 vei damdawiina awm mi 7,000 an enchhin te pawh an tel a ni.
Finfiahna chu uluk taka zirchian anih hnuah, mithiam rual ṭhukhawmte leh khawvel huapa mithiam bakah Covid-19 vei damlo 4 telin, Ramdesivir hian damlo te tan damna leh hmasawnna a thlen lo tiin thutlukna an siam a ni.
“Heng avangte hian WHO chuan Remdesivir chu Covid-19 damlo enkawlna tur atangin a hnawl ta a ni” tiin Dr Swaminathan chuan the Indian Express a hrilh a ni.
Zirna hmasa lama an neih (chipchiar zawka la tihchhuah tur) the Solidarity Therapeutic Trial– khawvel pum huapa Covid-19 veite damdawi an pek thin an zirchianna atangin, damdawi atana an hman zawng zawng Ramdesivir telin hmasâwnna a thlenloh thu an ziak a ni.
Dr Srinath Reddy, President of the Public Health Foundation of India chuan, ‘WHO mithiam rual thukhawmin uluk taka finfiahna an neihte an zirchian hnua, Ramdesivir hman titawpa tura thutlukna an siam hi an ti dik a ni’ tiin a sawi a ni.
