Hmeichhe tuakte (Lesbian) chuan an fapa kum 11 mi chu a nungchungin a lu an tan chhum a, chumi hnuah chan sawmin an rêp tih hriat a ni.
Rosana Candido, 27 leh Kacyla Pessoa, 28 te chuan Rhuan da Silva Castro kum 11 mi chu Brasilia, Brazil khawpui bulah rapthlâk tak maiin an that tih an inpuang a ni.
Rhaun chu a nu leh Pessoa leh a fanu kum 8 mite nen Samambaia ah an chêng ho a, an ina a muthilh hlânin an bei zui ta a ni.
A âwm leh mit ah vawi 11 aia tlem lo chemte a vih a ni a, a tam zawk hi a nu Candido tih niin Pessoa chuan alo chelh sak a ni.
Hemite 2 hian a taksa an zai bun hma leh a hmaivun an lip hmain, Candido chuan a fapa lu chu a tan chhum hmasa a ni.
An 2 chuan naupang taksa chu sa hem hminnaah an hema mahse, an ngaihdân thlâk leh in, ruksai 2 leh suitcase ah a taksa bung hrang hrang chu an khung ta zawk a ni.
Mipa naupang 2-ten, Candido’an Rhuan Silva ruang suitcase nursery bula a paih lai chu an hmu a, enchian châkin an va hawng ta a, Rhuan-a lu chu lo lum chhuakin chemte pawh alo la bûr a, Police-te an hrilh ta nghal a ni.
Hmeichhe tuakte chu an inah police-ten an man nghal vat a, a hnuah Candido chu Police hnenah inpuangin huatnaa a khah thu leh naupang chu a hmangaih miahloh thu a sawi a ni.
A fapa chu a taksa leh rilru lam tina tûr zâwngin a nghaisa zing hle tih an sawi a ni.
He case buaipuitu, police officer Guilherme Melo chuan, “Rosana chuan phuba lâk a châk ṭhin thu a sawi bâkah Thuthlung Hlui huna Pathian rorêl dân nen a intehkhin ṭhin” tiin a sawi.
Hetiang tualthahna a thlen chhan chu Candido in a fapa pa, amah sawisa ṭhintu a hriatchhuahtir vâng niin an sawi a ni.
Heta an chên hma hian an 2 in Rio Blanco, km 1400 vela hlaah an cheng ho ṭhin a. Rhaun-a pa chuan Investigator te hnenah Candido hian a fapa chu kum 5 liam taah khan a tlanbo pui tih a sawi a ni.
Pessoa fanu pawh hian Rhaun-a thah anih tur hi a hriatpui an ring a, a chhanchu he thil thlen hun lai vel tak hian a awm lo tih chhungkaw dangte’n an sawi a ni. Tunah chuan Pessoa fanu pawh hi Rio Blanco ah apa bulah a chêng mek a ni.
Candido leh Pessoa chu rapthlak tak maia tual an thah avângin kum 65 leh kum 64 ve ve tang turin an chungthu rêlsak an ni.
