Kum 2020 a hripui lêng mek COVID-19 chuan khawvel a hrut chho mek zela, duhtawk a nei thei meuh lo.
Hetih lai hian damdawi lama mithiam pakhat chuan COVID-19 hri in mipa zahmawh khawng theihlohna a thlen tih a sawi chhuak.
He hripui hian thlarau nun nasa taka a tihchhiat piah lamah sum leh paiah thla tamtak chhung harsatna a thlen tawh a, Dâktawr pakhat chuan NBC Network NBCLX hnenah he virus hian mipa ṭhenkhat natna veite chu nupa nun hman dun kawngah harsatna namen lo a siamsak tih a sawi a ni.
“Tunah chuan he virus hian hun rei tak chhung nghawng a nei tih hriat niin thahrui natna a thlen zui thei a ni, tichuan, mipate tan thil pawi tak thlenin, virus avâng hian hun rei tak chhûng chu zahmawh khawng ṭhat theihlohna a thlen thei tlat hi a ni. A chhan chu thahruiah harsatna a awmtîr vâng a ni” tiin Dr. Dena Grayson chuan a sawi.
“He thil hi kan ngaihthah mai mai tur a ni lo” tiin Grayson chuan sawiin, he natna hian “hun rei tak, dam chhung emaw harsatna nasa zawk a thlen thei a ni” tiin a sawilang bawk a ni.
