President Trump lawyer leh former New York City mayor Rudy Guilianni, tuna U.S inthlanpui 2020 neih tâkah vote diklo nasa tak a awm titu zinga a khaipa ber chu coronavirus a vei tih Pathianni (December 6) khân Trumpa’n a tweeted a ni.
“@RudyGuilianni, NYC Mayor ni tawh zawng zawng zînga a ṭha ber leh USA history-a inthlannna bawlhhlawh ber leh vote dik lo nasa lutuk hailang tûra nasa taka thawktu chuan China virus a vei a ni. Rudy lo dam thuai thuai ang che, kan bei zel ang!!!,” tiin President chuan a ziak a ni.
Guiliani chu Georgetown University Medical Center, Washington D.C ah enkawl mêk anih thu a ṭhian chuan The Post a hrilh.
A ṭhian chuan, “Rudy chu a ṭha e. Rudy thu chu ni sela, tunah hian damdawiin a chhuahsan nghal ang” tiin a sawi bawk.
Former mayor chu damdawia enkawl mêk a ni a “achhanchu a chau ve deuh a” tiin a ṭhian chuan a sawi a, tunah hian Guiliani fapa Andrew-a’n damdawiinah a awmpui tih a sawi bawk.
“Ka pa @RudyGuiliani chu a chawl hahdam mêk a, ṭha taka enkawl niin a dam ṭha e. Kapa hmakhua ngaitu zawng zawngte chungah lawmthu ka sawi” tiin Andrew chuan Pathianni tlailam khan Twitter ah a ziak a ni.
Pathianni zing khân Guiliani chu Fox News “Sunday Morning Futures” tih ah a inlan a. Former mayor hi States hrang hrangah a zinkual ṭhin a, tunhnai khân Pennsylvania, Michigan leh Arizona-ahte president’s election chungchângah Republican lawmakers te thunun tumin a zin chhuak bawk.
Natna a lanchhuah leh chhuahloh leh a in inkhunghrang dawn em tih chu hriat ala ni lo a ni.
Rudy Guiliani, 76, hi kar engemaw liamta a President special assistant Andrew Guiliani a positive hnuah he natna hri hi a kai ve ta a ni.
Trump advisers zingah hri vei an awm nual a, Corey Lewandowski leh David Bossie pawhin hri hi an kai ve a. Hemite 2 hi thla hmasa khân Guiliani hovin Pennsylvania ah president tân inthlan results chuhpuitute an ni.
