Lu mehdanah duhzawng leh mawi tih zawng kan nei veka, kan duhdan anga kan lu miten min mehsak loh chuan hlim a har thin khawp mai. Naupang kan ni emaw puitling kan nih pawhin kan lumehdan hian kan hmel a timawiin a ti danglam thei hle bawk a ni.
China ah mipa naupang kum 10 mi lek chu lumehna dawr ah kalin an mehzawh meuh chuan thinrimna leh lungawilohnain a hmuak zui tih an sawi. A sam style chu a han melh kual fe hnu pawhin a lungawi thei thlawt lova a tawpah Police a koh phah ta a ni.
SCMP in a tarlan danin Anshun, Guizhou a lumehna dawra thil thleng chu Chinese social media Weibo lamah thehdarh niin mi tam takin an thlir nasa hle a ni. Mipa naupang kum 10 a upa chu a lumehna dawra a lu an mehsak hnu chuan darthlalangah a inen ngawih ngawiha, lumettu chu a thiam lo a ti ngang a ni ang a tap vak vaka, a lu chu a kutin a zut vak vak bawka a hnuah police a ko zui ta a ni.
Police-te lumehna dawr an lo thlen chuan thil serious lutukah an ngaih loh avangin a u hmeichhia hnenah lumettute nen inberem turin an ngen tih hriat a ni. A u pawh chuan lumettu leh police-te hnenah a nau mipa naupang chu tha taka zirtir a tum thu sawiin an tindarh ve leh ta a ni.
