Chinaah kindergarten zirlai naupang pakhat chu Sikul in chhawng 3-na atangin a zuang thla a, vanneihthlak takin Sikul vengtu (Security Guard) in a chhawng hnuai ber (ground floor) ah alo dawng/man hman hlauh a ni.
He naupang hi a hun takah a hnuai bera Security Guard lo awm chuan a kut lawngin alo man hman hlauh a ni.
Tualchhung media-te hnenah Fei County Education Bureau chuan, he naupang a hming la hriatloh hi, an Sikul bathroom ah a inkalh hnan tih an tarlang.
A video tawi chu Chinese media ‘Good Morning Shandong’ in a tichhuak a, he video ah hian mipuiten naupang hnenah zuang thla lo tura an au ri hriat theih a ni.
Thuneitute’n an thuchhuahah chuan, naupang hian bathroom tukverh chu hawngin a lawn ta a ni tiin an sawi.
An zirtirtu in zuangthla lo tura a tih pawhin, a zuangthla lui ta tho a ni. Naupang chu damdawiinah kalpui nghal a ni a, a chal tlem a khi deuh a ngaihtuahawm erawh a ni lo hlauh a ni.
Hetiang thil a thlen mek laiin, chhanchhuaktu pawl (firefighters) te chuan mipa naupang kum 4 mi, building tukverh tlak dalna (Security bar) a lu tang chu an chhanchhuak bawk a ni. CNN in a tarlan dan chuan, naupang hi tukverhah lawnin a tla palh ta tih an sawi.
A lu chu thir leh thir inkarah chuan a tang ta a, In chhawng 4-na ah a inkhai ta a ni. He tih lai hian a nu leh pa chu inah an awm lova, a tap thawmah a pu muhil chu lo harhin tanpuitu a au nghal a ni.
Chhanchhuaktu pawlte chuan, naupang chu a tlak loh nan a âwm bawrah hruiin an phuar phawt a, tichuan hydraulic spreader hmangin thir ban chu an pawt kau a, naupang chu an chhanchhuak ta a ni. (Video)
