UK ah chuan lockdown hnuhnung ber aṭang khan Coronavirus inkaichhawnna rate chu a tlahniam hle a, vaccine hmuhchhuah thar pawh arang thei ang ber a chhawp chhuak turin hma an la mêk a ni.
Mahni inchhung piah lama mipat-hmeichhiatna hman chu lockdown zawh hnu pawhin England ah chuan ala theih dawn lo a ni tiin Matt Hancock chuan a sawi a ni. The Health Secretary chuan coronavirus chungchang thusawi tawi aneihnaah ram pum hriat atan a sawi a ni.
Ella, mipui zinga pakhat chuan, Hancock hnenah England in inkaihhruaina dân thar a siam hnuah a
a bialpa a tlawh theih dawn leh dawnloh a zawt a.
Tihian chhâng lêt in, “Inkaihhruaina dân tier 2 huamchhungah, phal chin leh phalloh chin chu Gov.uk website-ah en theih in a awm.
“Khatia ka chhan hmasak nachhan che chu, i dinhmun anga ding tam takin an lo thlir ve dawn a, tichuan thil ṭha ber chu uluk taka inkaihhruaina dân enchian a ni.
“Ni e, hun rei tak aṭanga lo inkawp tawhte a nghawng dân tur chu ka hrethiam a, tichuan ruahmanna danglam deuh kan siam a ni.
“Mi nawlpui tâna inkaihhruaina tier 2 ah chuan inkaihhruaina dân 6 na chu pâwnlam kâwk bîk thil a ni a, entirnan mimal huan angte pawh. Inchhungah pawh pâwn lam mi tel lovin inchhûng a khawsa tlang ṭhin chauh an in awm pawlh thei a ni” tiin Health Secretary Hancock chuan a sawi a ni.
December 2 aṭang chuan inkaihhruaina dân thar chu an awmna a zir zelin leh inkaichhawnna rate a zirin siam a ni dâwn a ni.
Prime Minister Borris Johnson chuan tier tinte chu a khauh zual zel dawn tih sawiin, nakum March thleng a awh dawn tih a sawi bawk a ni.
Tier 3 huamchhung amite chuan inchhung a in awmpawlhte a khap a, zu dâwr leh restaurant te pawh mi Ina thil va pêk khap a ni bawk a ni.
Zankhuaa pawn a chhuah leh inneih lawmte pawh khap tlat a ni mahse, gym leh Pathian biakna hmunte erawh hawn a ni.
Tier 2 ah chuan chhungkaw 2 te chu inchhungah in awm pawlh phal an ni lova, mahse pawn lamah an inkawm thei ang dân 6na an zawm theih chuan. Zu dawrte chu dar 10pm ah order tih tawp tur a ni a, dar 11pm ah chuan khar vek tur a ni.
Tier 1 huamchhunga mite chuan rules number 6 na an zawm theih chuan vantlângah thiltih hona an nei thei dawn a, ahmuna infiamna en theih ang chi ah 50% mipui emaw mi 4000 an pungkawm thei dawn a ni.
Government minister chuan British mi coronavirus vaccine la lo chu pubs leh restaurant a kal khap an ni dawn tiin an puang lâwk a ni.
