Google Play chuan kum 2020 chhung atana apps leh games ṭha ber a thlanchhuah bâkah a hmangtuten ṭha an tih ber an thlangchhuak bawk. Heng a thlanchhuah te hi ramchhung atana siam bik an ni a, lâwmman dawngtute hi ramchhung hmun hrang hrang a mite an ni.
‘Sleep stories for calm sleep–Meditate with Wysa’ by Touchkin chu India ramah kum 2020 chhûng atan Best App a thlan a ni. Google chuan he app hi a ṭhat thu an sawi bakah thil hlimawm leh ṭangkai tak anih thu an sawi a ni.
Riot Games siam ‘Legends of Runeterra’ chu kum 2020 chhûng atan Best Game a thlan a ni. Google chuan he game hi mit la leh mi hîp tak niin, hriatthiam awlsam tak a ni bawk a, game huangchhungah a ṭhat bik zia chu a taka hriat theih a ni tiin an sawi a ni.
Google sawi dân chuan, heng apps te hian a hmangtute chu kum 2020 milin an awmtir a, an duh hunah an talchhuak leh thei mai tiin an sawi.
Google chuan a Apps leh Games a hmangtuten ṭha an tih ber a tarlang a, ‘Users’ Choice App Award’ chu ‘Microsoft Office: Word, Excel, PowerPoint & more’ hnenah an hlân a.
Hemi bâkah hian Users’ Choice Game of 2020, chu World Cricket Championship 3– WCC3 hnenah an hlân bawk a ni.
