Hollywood actor lar tak mai Brad Pitt leh a bialnu model chhelo zet mai Nicole Poturalski-te chu thla thum awrh an inzui hnuah an inthen ve leh ta!

Thulakna in a tarlan danin, hemite 2 hi an inkar thu chu an 2 hian an la thutak lo ve ve tih sawiin, inzui rei lovin an inthen leh ta reng bawk a ni.

Thulakna website pakhatin a tarlandanin thla liam ta August thla khan he kum 56 a upa Actor Brad leh a bialnu Nicole te hi inzui chhoin, French a a in, a nupui hlui Angelina Jolie nena an khawsak dunna thin lam pana an kal dun lai hmuh an nih thu pawh a tarlang bawk.

Tunthla tir khan Hollywood Actor nen an inkawp avang hian Nicole hian sawiselna a dawng nasa hle a ni.

He an inkar selna nasa tak avang hian Instagram lamah Nicole chuan insawifiahna ang reng tawngkam a nei zui nghe nghe.

An mahni German tawngin tihian zawhna siamin, “Thiante u,engatinge mite hian midang sawisel hi an hrat kumkhua mai le? Engatinge? Engnge hlawkna an hmuh? Eng ngaihtuahna nge an neih tih hi ka hre chak takzet” tiin.

Nicole chuan sawibelhin, “mi an sawiselna zawng zawngte kha a hawihhawm lo em mai. Mi in hmuh duhloh leh an awmdan in duhloh chu follow lo tawp mai rawh u” a ti zui bawk.

“I chakna tichhe thei chu ngaihsak lo la, nui la hlim rawh, hringnun hi a tawi lutuk” tiin a sawi bawk.

Nicole hi a pasal, restaurateur Roland Mary nen open relationship a innei niin an sawia chuvang chuan Brad Pitt, Angelina Jolie leh Jennifer Aniston nena inthen ta nen pawh an inkawp phah reng bawk a ni.

Brad Pitt nupui hlui Angelina Jolie chu Brad a nena an inneih anniversary an lo hmanna leh an inthen hnu pawha share ala neihna in hlui ngei maia Brad leh Nicole-te an awmdun tih a hriat chuan a thinrim hle tih an sawi bawk.

Brad chuan Angelina hi he an thiltih avang hian a thinrim dan tur hre lawk sa vekin, a tilui ngat a ni.

Brad leh German model Nicole hi nikum khan Berlin khawpuiah a movie ‘Once Upon a time… in Hollywood’ tih an tlangzarhna party ah an in hmelhriat tan niin an sawi bawk.

LEAVE A REPLY

Please enter your comment!
Please enter your name here