Uttar Pradesh, Deoria a khawsa tleirawl kum 17 a upa chu jeans kekawr a hak peih em avangin a chhungten kut an thlak chiam tih hriat niin, a hnuah a hliam tuar loin a thi tih an sawi!

He thil duhawm lo tak hi Savreji thingtlang khuaah Thawhtan ni liam ta khan a thleng tih an sawia, tleirawl kum 17 mi Neha Paswan chu a chhungten jeans kekawr a hak hnuah an vaw chiam tih an sawi a ni.

A nuin report a thehluhna atanga a landanin, a fanu hian a lu ah hliam na tak a tuar tih a sawia, kut an thlak avanga a thi a nih thu pawh a sawilang bawk.

Hmeichhe tleirawl thi ta unaupa naupang zawk sawidanin, a tir berah chuan a pate leh a pu chuan a farnuin jeans a hak avang hian an sawisel nasa thin hle a, vawi engemaw zat tih tawh lo turin an hrilh tih a tarlang a ni.

Vanduaina tawka boral ta hmeichhe tleirawl nu chuan a fanu kutthlakna kaihhnawihah mi 10 chungah complaint a thehlut tih hriat a ni. Heng hmeichhe tleirawl kut thlaktute hi Section 201 hnuaiah case siamsak an nih thu Mahuadih SHO Ram Mohan Singh chuan a sawi a ni.

Police-ten thu an zawhfiahna atanga a landanin hmeichhe tleirawl chhungte chu an fanu Jeans ngaina lutuk an ngaih theih loh avang leh thil remchang lo nia an hriat avangin tiang hian kut an thlak ta mai niin an sawi.

LEAVE A REPLY

Please enter your comment!
Please enter your name here