July 21 liam ta ah khan pitar kum upa tawh tak chu Mawlameyine Kyuantaw motor kawngpuiah a monu ngei in a hnutchhiah tih an sawi. Zinveivakten pitar khawngaihthlak tak mai chu hmuin a dinhmun an hriat veleh enkawltu neilo pitar leh putar chawmna hmunah dah lut turin ruahman an kalpui nghal tih hriat a ni.

He pitar hi kum upa tawh lam niin an monu chuan puan pakhat leh ei tur tlem nen kawngsirah a hnutchhiat ringawt tih an sawia, a hnenah a dahna hmunah chuan awm reng turin a hrilha, nakin deuhah amah lam turin a lo kir leh dawn a ni tiin a bosan ta daih mai a ni.

Pitar hmu hmasatu leh amah lo buaipuitu mi pakhat sawidanin, pitar khawngaihthlak tak hi S. Okala Myint Thar venga awm niin, a fapa U Win Naing chu zunthlum natna in a thi tawha, an monu in taxi in a thui tak a tlanpui hnuah tiang hian a kalsan ta tih a sawi. A hmain he pitar hi Yangon ah pawh a lo khawsa tawh nghe nghe a ni.

LEAVE A REPLY

Please enter your comment!
Please enter your name here