Ruahsur leh tuilian nasa tak chhuak avangin Japan ramah Mi 20 chuang chin hriat lova an bo bakah chenna in leh lirthei tam tak leimin hian a hnawl tih hriat a ni. Mithiamte sawidanin ruah a sur chhunzawm zel dawn tih an tarlang bawk.
He tuilian leh leimin tuar nasa ber chu Atami khua chengte niin, chenna in chhia a awm nual bakah mi 20 chuang chin hriat lohin an bo a ni. July 3 zan atanga mibo zawnte chu tunthleng hian hmuh an la nilo a ni.
He chhiatna thlengah hian mi engzat chiah in nge nunna chan tih leh in engzat chiah nge chhia hriat chian tuma beih mek a nih thu Japanese PM Yoshihide chuan a sawi. Mibo te zawng chhuak tur hian theih tawpa tan lak mek a nih thu a sawilang tel bawk.
July thla a intan chauha Japan-ah hian ruah a sur nasa hle a, hei hian tuilian leh leimin a siam zui tih an sawi. Tuilian leh leimin avanga dinhmun raltia awmte chu hmun him lamah sawnchhuah nghal an ni bawk a ni.
