Japanese hmeichhia pakhat chuan an freezer chhûngah anu ruang a dah a, in tifaitu in a hmuh hnuah hriatchhuah niin Police-ten an man tih an târlang.
A nu taksa chu freezer a leng tûrin a thlep tih Police-ten an sawi
Yumi Yoshino, tûna kum 48-na hmang mêk chuan, anu ruang chu kum 10 liamta khân a thukru tawh tih a sawi a, an chênna ina ava haw chuan anu kum 60 mi chu alo thi tawh tih a sawi. A thuhrûk chhan chu an in aṭanga insawnchhuah aduhloh vâng niin tualchhung chanchinbu chuan a târlang.
Police-te chuan hmeichhe ruang khal vek tawhah chuan hliam hmuh tûr a awmloh thu an sawi a. Thuneitute chuan a thih hun leh thihchhan an sawi theihloh thu an sawi bawk.
Yoshino chuan a inluah man a pêk theihloh avângin, a chênna aṭangin an hnawtchhuak a, chumi hnuah anu ruang chu an hmu ta tih an târlang. Yoshino chu Zirtawpni (29.01.2021) khân Tokyo bul, Chiba khawpuia hotel pakhatah man anih thu an târlang bawk a ni.
