Africa ram, Malawi-ah mipa pakhat thihna chhan an chhuichianna post-mortem result ah chuan, nawhchizuar pakhat nen mipat-hmeichhiatna an hman laiin ‘a vawrtâwp a thlen nasat lutuk vâng’ niin an sawi.

Police-te chuan kum 35 mi, Charles Majawa tia koh chu hmeichhe pakhat nên mipat-hmeichhiatna an hman zawh hnuah nikhaw hre lovin a awm tih an sawi a, reilotê hnuaah a boral zui niin an tarlang.

Daily Star in a târlan dân chuan, hmeichhia in a ṭhiante a hrilh hnuah police a hrilh leh ta a ni. Police-te leh damdawi lama thiam Migowi Health Centre a mite chuan a taksa chu an endik a, a thihchhan chu an chhui zui ta nghal a ni.

Post-mortem result chuan a thihna chhan dik tak chu, “A vawrtâwp thlen nasat lutuk avângin, thluaka thisen zâm a chat” niin an târlang.

Police-te chuan Majawa thihna chhan dik tak an hriat tawh avângin hmeichhia chu man anih loh tûr thu leh eng thubuai mah awrhtîr anih loh tûr thu an sawi.

Police-te’n Majawa ruang chu an khua Matepwe ah dah lêt anih tawh thu an sawi bawk. Tualchhung chanchinbu Nyasa Times chuan, “Mipat-hmeichhiatna hman nuam tih lûatah a boral” tiin an chhuah a ni.

Phalombe Police Station thupuangtu, Innocent Moses chuan, Majawa-a’n nawhchizuar pakhat nen room an hauh (booked) tih a sawi a, mahse “An thiltih mêk laiin nikhaw hre lovin a awm” tiin a sawi bawk.

He vanduaina thleng hi Malawi ram pumah chuan mite’n fiamthu thawh nân an hmang nasa hle a, social media-ah a viral nasa hle a ni.

LEAVE A REPLY

Please enter your comment!
Please enter your name here