Pa pakhat kum 38 mi chu damdawi a tih avângin leh a fanu kum 13 mi thla 2 chuang alo pawngsual ṭhîn avângin Tha Sala District-ah man a ni tih an târlang.
Police-te chuan Sak (a hming dik tak ni lo) chu a chênna inah crystal methamphetamine tlêmtê nên an man tih an sawi a, a fanu chu a ruih chângin a pawngsual ṭhin tih thu an thlen bawhzuiin an man tih Pol Col Anan Rikchan, Chief of Tha Sala police chuan vawiin Inrinni khân a sawi.
An khua hotu lu chuan naupangtê chhanchhuak tûrin police-te a thawhpui ṭha hle tih hriat a ni. Hmeichhe naupangtê chu apa bulah a chêng a, a chhûngte hnenah a pa in tiduhdahin vawi tam tak a pawngsual ṭhin tih a sawi.
A chhûngte chuan Police hnênah apa Mr Sak chuan a fanu dik tak chu nikum November thla aṭang khân a pawngsual tih an sawi. Police-te hnêna thubuai an thehluh laia tel ve hmeichhe naupangtê chuan, anu thih hnuah apa nên chauh an chên thu a sawi a, apa chuan a ruih châng apiangin bungruate tichhiain a vuak hnuah a pawngsual zui ṭhin tih a sawi bawk.
Mr Sak chuan crystal methamphetamine an ina an hmuh chu a ta a ni tih a pawm a, Police-ten a zun an test ah pawh damdawi chu a ti ngei tih an hmuchhuak a ni.
Police in hma an lâk laiin Mr Sak chuan damdawi chu hun rei tak aṭang tawhin a tih thu a inpuang a, mahse pawngsual thubuaiah erawh a ka a ang duh miah lo thung. Tha Sala police station-ah dân anga rorêlsak tûrin hren mêk a ni tih an târlang bawk.
