Vawiin khân Indonesia chu lirnghing 6.2-magnitude a na in a nuai a, mihring 34 chuang an thih bâkah mi 600 chuang an hliam tih an târlang.

Mamuju khawpuiah a tuartute chu building chim hnuaiah an tâng tih an sawi a, chhanchhuaktute chuan damdawi in chim a damlo leh hnathawktute zawn hna pawh an thawk mêk tih an târlang bawk.

Khawchin zir mite chuan a vawi hnihna (aftershock) chuan tsunami a thlen thei tih an sawi lâwk a, Sulawesi thliarkâr a chêngte chu an thlabar hle.

Chief of meteorological agency Dwikorita Karnawati chuan, “A vawihnihna thleng thei a ni a, tsunami a thlen hmasak kher nghak suh u, engtik lai pawha thleng thut thei a ni,” tiin a sawi.

Lirnghing chuan in 60 chuang a tichhia a, hotel 2 leh provincial governor office a tichhe bawk. Chulai chhehvela current pawh a chhe bawk a ni.

Lirnghing in a tihchhiat zîngah damdawi in telin, damlo leh hnathawktute an tâng a, chubâkah building tam tak chim kâra mihring tângte chu chhanchhuah hna an thawk tih an târlang bawk.

Zirtawpni, an tualchhung sana a dar 1am vela lirnghing avângin mi sang têlte chuan an sahim nân an in chhuahsanin hmun him lam an pan tih an sawi a, second 7 vêl a nghing tih an sawi.

LEAVE A REPLY

Please enter your comment!
Please enter your name here