Kan hriat ṭheuh angin U.S Social Media lian Twitter leh Facebook chuan January 6 khân President Trump account chu an tihtâwpsak hlen a, hei vâng hian Internet chuan Facebook leh Twitter chu a Block ve ta a ni.
T1 WIFI, Priest River a awm chuan Northern Idaho leh Spokane, Washington ah internet a pechhuak a. Thawhṭanni khân Company chuan an customers tam tak aṭangin website 2 te chungchângah vawi tam tak biak pawh an nih avângin Facebook leh Twitter te chu Block an titlu ta a ni tih an târlang.
Internet Company chuan an customers te hnena an thuziakah, website emaw social networking site rêng rêngin an thil hmuh leh post te an duhloh lai paih (censor) tûrin thuneihna an neih an rinloh thu an sawi. Chubâkah, Facebook leh Twitter aṭangin a duhte tân chauh internet service Block sak annih tûr thu an sawi tel bawk.
President Trump account an tihtâwpsak hnuah Twitter chuan kârkhat chhûng lekin U.S dollar 2.5billion an hloh tawh a ni. An la hloh belh zel rin a ni bawk.
