Russian pa chuan a nupui hlui in inhualna zungbun thar a bun dâwn tih a hriat hnuah, a nupui hlui chu saruakin bathlarah hair dryer hruiin a khaihlum tih an sawi.
Kum 38 mi, a hming Ilnar, tia hriat chu a inpuan hnuah tualthah thubuai awrhtîr a ni tih East2West chuan Russian Investigative Committee ziah an târlang.
Ramzia Gimranova, 32, accountant ni bawk chuan Ilnar nen fanu kum 6 mi an nei a, pa ber chuan a nupui hlui chu Kazan khawpuiah a vuak hnuah a khaihlum tih an sawi.
A pasal chuan pawisa khelh a hrât êm avângin kum 2019 khân an inṭhen tih an sawi a, pawisa an pûk naah £5000 vel leiba an nei nachungin pawisa khelh a bansan theihloh avângin an inṭhen tih an sawi a ni.
A thih hma kar liamtaah khân, Gimranova chuan police-te hnenah a fanu nen venhimna a dil a, mipa chuan a veh buai reng tih a sawi.
“A tuartu chuan pasal dang a nei dawn tih a hriat hnuah, a beitu pa chu an inah kalin a vuak hnuah an in bathlarah a rêkhlum”, tih committee chuan an târlang. “A thiltih zawng zawng chu a inpuang fai vek a ni.”
Gimranova ṭhiante chuan a pasal hual aṭanga inneih sâwmna a pawm hnuah pawh a pasal hlui nen an inkâra buaina avângin, pasal nei leh tûrin a in peih rih lo tiin an sawi bawk.
