THANE: Navi Mumbai a unau mipa 4-te chuan, an unau zînga pakhat nupui lo kawptu kum 39 mi chu that a puhin man an ni tih police-ten an sawi.
Unau mipa 4-te chu an vaiin Diwale thingtlâng khua, Navi’s Mumbai CBD Belapur a chêng an ni a, December 31, 2020 khân man an ni tih DCP (Zone-I) Suresh Mengde chuan a sawi.
“A tuartu Somnath Koli, chu sangha mantu a ni a, thiltisualtu zinga mi Aditrao Koli (27) nupui nen an in ngaizawng” tih Suresh chuan a sawi bawk.
December 29 zânah thiltisuala puhte chuan CBD Belapur zu dawr aṭangin a tuartu chu an ru chhuak a. An autorickshaw in hmun fal lamah an kalpui a, lungin an vawm hlum ta a ni. A taksa chu lunga delh tirin an kalsan tih DCP chuan a sawi.
Koli chhungte chuan a hnuah thubuai thehlutin, IPC section 364 hnuaiah mi rûk bo (kidnapping) thubuai an ziaklut tih a sawi a. An chhui mêk laiin, a ruang chu police-ten an hmuchhuak a post-mortem tûrin an thawn ta a ni. IPC section 302 (tualthah) leh 201 (finfiahna thaibo tum) thubuai an awrh belh tih officer chuan a sawi bawk.
Thiltisuala puh 3 dangte chu Yogesh Aditrao Koli (23) leh a ute Datta (29) leh Nagesh (31) te an ni tih senior inspector, CBD Belapur police station Anil Patil chuan a sawi.
