Nu pakhat chuan a pasal chu nupa nun a hmanpui duh loh avângin a pasal thinrim chuan a zahmawh a tan chhum tih hriat a ni. Uttar Pradesh a nupa tuak khat Ghasi Ram, kum 37 leh a nupui kum 34, Manjhri Devi te chu kum 18 chuang an innei tawh a, fapa pakhat leh fanu 2 an nei tawh nghe nghe.
Zankhat a hna thawhna hmun atanga in lama a haw chu a nupui hnenah nupa nun hmanpui turin a sawm ta a ni. Mahse, a nupuiin a lo hnar hlawl maia thinrim tak chungin an room atangin a chhuak nghal a. Choka ah chemte a la a, a nupui hmuh lai ngeiin a zahmawh chu a tanchhum hmak mai a ni.
Thisen a far nasa hle mai a a lu haiin chhuat laiah chuan a tlu zui ta a ni. A nupui chuan a hlauthawng hle mai a, an ṭhenawma awm nupa tuakte chu a va pun nghal thuai a, a pasal chu an buaipui ta nghal tih an sawi. Dâktawr an kohsak a, a hliam chu an enkawl sak tih an sawi bawk.
“Kum 10 chuang zet ka nupui nen nupa nun kan hman tawh loh avangin ka thin a rim tak zet a ni. Hmangaihna nen min mutpui duh lova, ka bulah pawh a che tla ngai lo. Nupa nun pawh min hmanpui a duh hauh lo a ni” tiin a nupui nena an inkar thu chu Ghasi Ram chuan a sawi.
A nupui ve thung chuan a pasal chu zantin maiin zu rui chungin a lo haw tih a sawi a, a ngaihdan a sawi ve pawhin a ngaih pawimawhsak duh ngailo a ti ve thung. A ruih reng avângin a thin a rim a nupa nun pawh a hmanpui duh lo tiin a sawi. “He thil thlengah hian kei min mawhpuh a, a ngaihtuahna a â zo tawh a nih hi” tiin a sawi chhuak a ni.
Police hnenah thubuai a thlen lem loh avângin na tuarin in ah a tawm reng niin an sawi.
