Hmeichhe naupang kum 7 mi, pawngsual tâwktu chuan kum tam tak chhûng a nu leh pa leh a patea te’n a khawlo zâwnga an tihduhdah fo avângin a hliam enkawltu Dâktawr hnenah thihtir mai turin a ngên a, ahnuah ICU ah a boral.

Tualchhung thuneitute chuan Yatziri, 7, chu lungchhiatthlâk tak maiin December 28 khan Hospital de Las Margaritas, Mexican state Puebla-ah a boral tih an sawi.

Hmeichhe naupangtê chu August 21 khân na tak mai a an vuak avângin ICU ah enkawl a ni a. Yatziri chu a taksa pêng hrang hrangte’n hna an thawh mumal theihloh avângin a boral tih tualchhung chanchinbu chuan a târlang.

A Pa

An ṭhenawmte chuan damdawiinah an hruai a, an endik hnuah internal bleeding a nei tih an sawi a, pawngsualna hnuhma te, a hnunglam kâng bâkah a chuap a chhia tih an hmuchhuak bawk a ni.

Damdawiin an va thlen chuan, hmeichhe naupang chuan Dâktawr hnenah, “Thih ka duh, min ti dam tawh suh” tiin a sawi a, “Ka nu leh pate hnenah an vuak leh mai mai tûrin ka kir duh tawh lo” tiin a sawi bawk.

A Nu

A pa, Rafael tia hriat leh a nu, Alejandra Viridiana te chu hrên an ni a, an fanu an tihduhdah avângin chhuichian mêk an ni bawk.

Police-te chuan a tuartu naupang patea, a hming târlan loh chuan vawi tam tak alo pawngsual ṭhin avângin an zawng bawk a ni.

A thih thu an puan hnuah, Puebla sawrkar chuan a hun lo taka hmeichhe naupangtê thihna thlentute chu hrem lohin an chhuak lovang tiin a sawi.

LEAVE A REPLY

Please enter your comment!
Please enter your name here