Pa pakhat damdawi leh zu in a thunun nia an sawi chu car park Brisbane, Australia-ah a mobile phone tihchhiat a tumna lamah a kut chungah a puak tih Queensland Police-te chuan an sawi.
Queensland police-te chu Thawhṭanni December 28 dar 11am khân thil puak a awm avângin Lutwyche, Brisbane, Australia car park na hmunah koh an ni a, mipa pakhat chu a kut chunga phone a lo puah avângin thih ngamin a na a, damdawi in lamah dah luh nghal a ni.
Vanduaina tawktu Kum 27 mi hi a car chhûngah damdawi leh zu in a thunun nia sawiin, a mobile phone chu tihchhiat tumin a lo phelh darh tih an sawi. A phone a inbiak pawhna tihchhiat a tum mêk lai chuan a devices ken chu a kut chungah a puak ta a ni.
A phone puak avâng hian a taksa a kâng nasa hle a, Brisbane Royal and Women’s Hospital-ah an dah lût nghal tih hriat a ni. The Australian chuan, damdawiin an panpuina kalkawng ah nikhua hre lovin a awm a, a dinhmun a ngaihtuahawm hle niin a târlang.
December thla tîr khân mipa naupang chu a kut chunga battery puak avângin hliam na tak a lo tuar tawh a, Police-te sawidanin naupang hian phone a khawih laiin a puak niin an sawi. Kum 2019 khân, hmeichhia kum 14 mi pawh a mut hlânin a phone charge lai a puah avângin alo boral tawh bawk a ni.
Mobile phone puak tam tak hi a battery vâng a ni tlângpui a, charge nasat lutuk hi a thlen chhan tlânglâwn ber a ni.
