Kum 30 mi Russian lamthiam tak mai chu Moscow ah kahhlum a ni a, politician mi hausa pakhat a kawp avângin amah that tûrin midang an ruai anih an ring tih an sawi.
Natalia Pronina– international dance competitions leh UK intihsiakna a lâwmman latu chu hmaituam pakhatin a âwmah vawi 2 a kap a, he a kahna hmun hi a chênna in pâwn Akademicheskaya rail station bulah anih thu East2West News chuan an tarlang.
Choreography session an hman zawh hnua a haw lampang chu an lo bitum tiin news outlet chuan a tarlang bawk.
CCTV video aṭanga alan dân chuan he hmeichhia hian amah pana lo kal chu a hlimthla aṭangin a hmu tih a lang a, chumi hnuah hnai set sawt aṭangin a kap tih a hmuh theih bawk a ni.
Silai chu a paih thla a, a tlânchhia tih tualchhung reports chuan an sawi. Video chuan investigators te’n silai hmetpuaktu an chhuina kawngah a pui thei lo tih police-ten an sawi.
Pronina chu hmanhmawh takin damdawiin thlenpui a ni a, zai nghal ni mahse darkar 2 hnuah a boral zui ta a ni tiin East2West News chuan an tarlang.
“Hmelma a nei lo tih chiang takin ka sawi ngam” tiin a ṭhian Valeria chuan tabloid daily Komsomolskaya Pravda a hrilh. “Amah ngaisangtu in a hmasial avângin he thil hi a ti maithei” tiin a sawi bawk.
A lo lampui fo ṭhin Anzhelika chuan, “Natasha chu a lamthiam mai a ni lova, amah tawp hi a nalh a ni. Mipate hi a zunah an uai ṭhin a, a fans zînga alo hnawl tawhin a tihlum a ni thei” tiin a sawi.
He thil chungchâng an chhuina a an rindân dangah chuan, former nightclub performer chu politician hausa tak pakhat nen an in ngaizawng a, an inlaichinna thurûk chu a nupui chuan lo hriain, lamthiam chuan vauna a tawk tih East2West chuan an tarlang.
Pronina bialpa Alexander Kravchenko chuan he tualthahnaah hian inhnamhnawihna a neihloh thu a sawi a, he thil thlen lai hian Yalta ah hnathawkin a awm thu a sawi tih The Sun chuan an tarlang.
Nikum khân Milan ah vawi 4 a zin a, fans tamtak a nei bawk. Tunkum erawh hripui vângin khawi ramah mah a zinchhuak lo tiin a ṭhiannu Anzhelika chuan a sawi bawk.
(VIDEO)
