Video lungchhiatthlak tak mai chu CCTV footage chuan alo la a, New Zealand pa chuan a nula lenchhuah pui, British bagpacker Grace Millaine chu a reh hlum hnuah motel aṭangin suitcase chhunga dahin a nawr chhuak tih an tarlang.
Video ah, kum 28 mi Jesse Shane Kemption chuan CityLife, Auckland ah thil phurhna nawrlir hmangin bâwm 2 chu elevator chhûngah a luhpui tih The Sun chuan a tarlang bawk.
Chupa chu suitcase keng chunga a lêt leh lai hmuh a ni a, a hnuah inpuang in a chhûngah Millaine taksa chu ruak vekin bag-ah chuan a hnawh lût tih news outlet chuan an sawi.
Kemption chuan suitcase a ruang awm chu a motor hawh Toyota hnunglamah a dah lut a, khawpui dai fêm lamah tlân puiin a phum ta a ni tiin The Sun chuan an tarlang.
Surveillance video chuan zân a an chhuah hnuah Kemption-a’n Millaine chu a room lama a chhohpui lai a la fuh bawk a ni.
Kemption tualthah thubuai an ngaihtuah laiin Court ah video an tichhuak a, Millaine nu leh pate mittui hru mawlh mawlh lai chu hmuh an ni bawk.
CCTV footage aṭanga an zirchian hnuah Kemption chuan Millaine a tihhlum hmain hmeichhe 2 dang pawh pawngsualin dân a bawhchhia tih an hmuchhuak bawk a, he thil avang hian kum 11 tâng tura tih a ni a, Millaine a thah avângin a tlêm berah kum 17 tal tang tûra tih a ni bawk.
(VIDEO)
