Forbes chuan Youtuber sum hai lût hnem berah Ryan Kaji anih thu a tarlang. Kum 2020 chhûnga Youtube in sum an pêk tamber an târlan zingah, mipa naupang kum 9, Texas mi chuan a zâwnin kum 3 chhûng 1-na a hauh a, Ryan’s World YouTube channel aṭangin $29.5 million ala lût a ni.
Ryan chuan video-sharing site aṭangin toys hrang hrangte post in a review ṭhin a, chuta ṭang chuan a lâr chho ṭan a. A channel chuan sponsor tu tamtak a neih aṭangin, amahin toy neiin sumdawnna a neihpui hlawm a ni. Tunah chuan amahin Nickelodeon ah TV Series hran a nei tawh bawk.
Forbes in article an tihchhuahah chuan tihian an ziak a, “Sum la lût hnem ber chu kum 9 mi, Ryan Kaji niin, a zâwnin 1-na kum 3 chhung a hauh mêk a ni. Unboxing videos a tih aṭangin a lâr hle a, toys chi hrang hrang an bâwm aṭanga phawrhin sawifiahna a nei ṭhin a ni. He naupangte hian amahin sumdawnna hran– toys, backpacks, toothpaste, etc a nei a, Amazon leh Walmart chuan nikum khan $200 million man an hralh a, Nickelodeon series ‘Ryan’s Mystery Playdate’ aṭangin a la lût bawk.”
Tunah hian, Ryan’s chuan a YouTube channelah subcriber 41.7 million neiin, viewers 12.2 billion a nei mêk a ni. “A chhungkuate’n a rualin YouTube channel 9 an hawnsak a, a hming an kohna Guan tih chu Ryan online a an kohna Kaji tiin an thlâk bawk” tiin Unilad chuan a tarlang.
Celebrities dang Forbes list a chuang zîngah Jimmy Donaldson a.k.a Mr Beast, business magazine in “YouTube’s Biggest New Star” a a puan chuan #2 nihna luahin, $24 million ala lût a ni. Dude Perfect chuan $23 million la lûtin #3-na a hauh a, nerdy talk show Rhett & Link chuan #4-na luahin $20 million an lalut a, #5-na chu Mark Fischbach (Markiplier) niin $19.5 million a la lût bawk a ni.
Hetih lai hian, Youtuber naupangtê chu top 10-ah a lang a, Russian hmeichhe naupang kum 6 mi Anastasia Radzinskaya, YouTube a Nastya tia hriat lar0 chuan $18.5 million ala lût tih Forbes chuan an tarlang bawk.
