Mariner pakhat, Choi tia hriat chu lawng chhûnga a hnathawh pui pakhat lungawilo chuan thuneitute hnenah, sawrkar in radio station a banned chu kum 10 chuang a ngaithla tawh tiin a hêk tih hriat a ni.
North Korean fishing captain chuan tuipuia a awm chhûngin foreign radio stations-te a ngaithla thin tih an nemngheh hnuah an tihlum tih an sawi.
Mariner chuan radio station an khap chu kum 15 chhûng a ngaihthla tawh tih a sawi hnuah thi turin a chungthu an rêl tih report chuan a tarlang.
Kum 40 bawr vel anih aṭangin, boatman chuan ramdang chanchinthar leh radio programme te alo ngaithla fo ṭhin tih an sawi.
Mail Online chuan, Choi chu sangha mantu mi 100 hmaah firing squad-te’n an kâphlum tih a tarlang.
North Korea chuan a mipuite tân dân khirh tak tak a siam fo ṭhin a, ramdang chanchin hriat theihna tûr ang chi pawh a khap bur mai a ni. Lawng mite tân erawh an zinna tuipui zâu tak avângin ramdang radio station te alo man ṭhin tih an sawi bawk.
Thil tisualtu, Choi ti maia hriat chuan, military radio operator anih aṭangin radio thupuante chu a ngaithla ṭan tih an sawi bawk. He thil hi ngaiah neiin, a lawng enkawlnaa hnathawktu pakhatin a hêk thleng in a ngaithla zui ta zel a ni.
Thulâkna in Mail Online hnenah, “October thla laihawl khân lawng captain Choi, Chongjin mi chu hun rei tak chhûng Radio Free Asia alo ngaihthlâk fo avângin firing squad-te’n lawng captains-te leh lawnga thawk mi 100 hmaah an kaphlum” tih a sawi.
The provincial security department chuan a dân bawhchhiatna chu an party kalh zâwnga chet tumnaah an puh a ni.
