Kum 32 a upa Akshin Guseinov chuan mipa dang laka rinawm lohsantu a bialnu kum 26 mi leh a nau mipa kum 9 mite chu phuba lak nan râwng takin a that tih hriat a ni.

A bialnu Victoria Makarova, 26, chu a chênna inbualna room-ah a kut leh ke inphuar chungin T-shirt chauh hain a ruang an chhar a ni. A unaupa kum 9 mi Demitry pawh rawng taka sawisak a ni a, a bân ruh titliahsak anih hnuah rehhlum a ni bawk.

Construction and Tourism lama sumdawnna lian tak nei mektu Akshin Guseinov chuan rawng tak maia a bialnu leh a nau mipa a thahdan kimchang chu online lamah an thlalak hmuh hreawm tak nen a thehdarh zui a ni. Akshin hian tual a thah hnu hian ama nunna lâk a tum thu tarlangin, a bialnu leh a nau mipa a thah atanga a ni 3-naah Black Sea tuipui kam bul, Novorossiysk hmunah saruakin a ruang chhar a nih thu Russian Investigative Committee chuan an tihchiang tawh tih an sawi.

Tualthahna rapthlâk tak a thlen chhan chu tualthattu bialnu Viktoria Makarova chuan mipa Yuri lakah a lo rinawm lohsan vâng niin an sawi a, mipa naupang pawisawilo kum 9 mi pawhin a tawrh phah ta a ni.

Tualthahna thlen hma hian Viktoria Makarova kum 26 mi chuan a bialpa Akshin hnenah a rûkin mipa dang Yuri a kawp thin tih a inpuang a, he thil hi Akshin’an a hriat chuan a thinrim hle mai a. A bialnu Viktoria chu a hmangaih tak zet a, mipa dang a rûkin a kawp ṭhin tih a hriat chhuah meuh chuan a in control zo ta lo a ni. A bialnu leh a nau mipa kum 9 mi nunna in a tuar piah lamah a nunna ngei pawh a chân phah ta a ni.

LEAVE A REPLY

Please enter your comment!
Please enter your name here