GUWAHATI: Kum 19 mi nursing zirlai, Assam aṭanga lo kal chu Nilaini khân Bengaluru ah pawngsual a nih hnuah an that zui tih Police-ten an sawi.
Thil tisualtu bera an puh, Anisur Rehaman, 21, chuan Yelahanka damdawiinah Nilaini khân a dah a, an man zui nghal a ni. Hmeichhia nen hian inhmelhriat an ni a, damdawiinah thi tawh sa in alo hruai tih Police-ten an sawi. “Hmeichhia hian Bengaluru-based college a zawm a, Thawhṭanni khân khawpui chu thlengin admission pawh Anisur, college naupang ve tho, Assam miin a buaipui” tih Police-ten FIR a inziak angin an tarlang.
Bengaluru Police-te chuan IPC sections 376 (pawngsual) leh 302 (tualthah) thubuaiah FIR a an ziah angin an ziaklut nghal a, chhuichian mêk a ni. “Post mortem tih zawh hnuah chuan thil kan hriat belh ngei ang. Thil tisualtu zînga 1 Anisur Rahman chu man a ni tawh a, chhuichianna hmasa lama alan dân chuan he thil thleng hi pawngsual leh tualthah thubuai ngei a ni” tiin police official, Byadarahalli Police Station chuan a sawi.
Police thuneitute chuan, “An 2 hian Assam aṭanga lo kal ve ve an ni. Hmeichhia hian a nursing course zir turin, tunkarah Bengaluru a thleng ve chiah a, a thlen tirh aṭanga a thiltihte kan chhuizui mek bawk a ni” tiin thuneitute chuan an sawi. Thuneitute chuan he thil thleng chungchângah hian midang inrawlh an awm theih thu an sawi lang bawk.
Barpeta MP Abdul Khaleque chuan Karnataka Chief Minister BS Yediyurappa hnenah thiltisualtu chu a ṭul anga hremna pe ngei tûrin a ngên a ni. “Hmeichhia kha ka rorêlna huamchhung Assam aṭanga lo kal niin, East West College, Bengaluru zirlai a ni bawk… Karnataka sawrkar chuan thil sual titu chungah a nihna ang taka hma la turin ka ngen duh a, chubâkah thil sual titu dang zawng zawng pawh a rang thei ang bera man chhuak turin ka phût a ni” tiin thuziak a thawn ani.
(Supreme court in hurna lamhawi thubuai kaihhnawihah thupêk a chhuah angin, mimal nun venhim nân a tuartu nihna chu târlan loh a ni.)
