Subham Dharmsktu chu kum 27 mi niin, Uttarakhand Haldwani khawchhuak a ni. He tlangval hian an state chengker a hmeichhia te chu online class an neih ve theih nân a ṭanpui tih TNN chuan a tarlang.
A nu chu Uttarakhand Almora district a tlangram Dewayal, Salt ah Government Girls Inter College principal a ni a, hmeichhiate’n buaina an tawh chu a nu hnen aṭangin a hre ta a ni.
“Ni khat chu, ka nu nen kan ṭhu dûn a, WhatsApp kaltlangin a sikul naupangte a bia a, ‘Lockdown chhûngin in sikul chu engnge in an?’ tia ka zawhna chu min chhâng in, a sikul naupang ṭhenkhat chauhin phone an nei thei tih min hrilh a. A sikul naupang tam zawk chuan online class an tel thei lo” tiin Times Now hnenah a sawi.
“Sikul chu thla 6–7 vêl khâr a ni tawh a, zirtirtute’n zirnaa an mamawh (study material) an pek theihloh avângin an zirna in a tuar” tiin a sawi bawk.
Pawisa an neihin a tlin loh avânga phone nei thei lo, sikul naupang tam tak intihlum an awm ṭhinte chu a hrechhuak a, naupang puih ngaite ṭanpui tûrin rilru a siamfel ta a ni.
Subham chuan phone hlui sikul naupangte’n an hman theih tur chu a zawng ta a. A ngaihtuahnaah chuan an phone hlui la hman theihte chu hmeichhe sikul naupang in lehkha zirnaa an hman atân a ti a ni.
Nu leh pate’n an fate zingah pawh hmeichhiate aiin mipate chu zirnaah thiam zâwk tûrin an duh tih a sawi lang bawk.
“Phone pakhat a awm chuan, mipa in a chang ṭhin, hmeichhia ni lovin. Chuvângin, sikul naupang zîngah hmeichhia thlurbing turin rilru ka siam ta a ni” tiin a sawizui a ni.
He tlangvalin thil a ngaihtuah chhuah hi a ṭha hle a, hmeichhe sikul naupang tân bika thil atih pawh hi phalsak a ni bawk.
