Ambulance tam tak chu kawngpui ṭhuam Manhattan, New York ah nimin Zirtawpni khân hmanhmawh takin an tlân khawm a, car pakhat chuan tlai lam dar 4 vêl khân kawngzawh (protester) ho awmna chu a su ṭhuai mai a, mi pakhat chu hren anih thu an sawi.
Black Lives Matter protest ho te chu car pakhatin a tâwn tlang avângin rikrum thila che ṭhinte chu an lo thleng nghal a ni.
Mipuite chu Manhattan kawng pêng ṭhuam New York-ah nimin Zirtawpni tlailam khân an ding tih Police chuan a sawi. Motor khalhtu chu dar 4pm vela thilthleng vângin kawl mêk anih thu an sawi bawk.
Ambulance tam tak chu 39th Street leh 3rd Avenue lam panin an tlân khâwm lai hmuh a ni.
NBC in a kawm hmeichhia chuan mi 6 a sut thu a sawi a, car chak taka lo tlân hmuin mipui tam tak an au chel chul a, mihring thlâwk a hmuh thu a sawi. Kawngzawhte chuan ralmuang takin, tharum thawh zâwnga an chet loh thu a sawi bawk a ni.
Motor chuan mi engzat chiah nge a sut hriat chian a ni lova, police chuan kea kal mi engemawzat sut an nih thu chauh an sawi a ni.
Tunah rih chuan a mi sutte hliam tawrh dân kimchang hriatchian ala ni lova, an nunna atâna hlauhawm erawh anih an rinloh thu an tarlang.
Twitter ah, the New York Police Department chuan Midtown East huamchhungah kea kal tamtak motorin a sut avângin kal rih lo turin thu an chhuah a ni.
Video lâk aṭangin hmeichhe pakhat chu Officers-ten police car lam pana an hruai lâi hmuh theih a ni a, mipa pakhat lo ṭawng chuan mi 5 a su tiin alo au a, mipui tam tak chuan police car chu an hual nghal a ni.
Protester zinga pakhat chuan an thiltih chu Bergen County Jail, New Jersey nen lungrual takin chaw ngheia nawrh an huaihawt thu a sawi a ni.
Police officer chuan NBC hnenah thilthleng chu tum lâwk sa a ni lo maithei tiin a sawi a, Chanchinbu lam chuan protester pakhat chu police officer a tihbuai avângin man anih thu an tarlang bawk a ni.
