Quaden Bayles chu Australia, 2020 Googles top ‘trending kid’ a puan a ni.
Kum 9 mi hi nimin Nilaini khân Australian miten Google ah kum 18 hnuailamah an mi zawn nasat ber a nih thu an tarlang.
Quaden, ‘achondroplasia’ tia hriat natna avângin mitê (dwarf) angin alo piang a, February thla khân a nu Yarraka Bayles chuan video hmuh hrehawm tak social mediaa a post hnuah chanchinbu kâwm a luah nghal a, a fapa chuan ṭap chungin a nu hnenah, sikul a an tihduhdah ṭhin avangin intihhlum nân ‘hrui’ a dil a ni.
Ms Bayles chuan facebook-ah video chu post in, mi tihduhdah in midang nun a nghawng nasatzia mite hriattîr a duh tih a sawi. Hetiang thil hmuh hrehawm hi mahnia pairûk mai tur anih laiin, mite hmaa pholan mai loh chu duhthlan tur neiin a inhre lo a ni.
Minute 5 chhung video tawiah Ms Bayles chuan, “Ka fapa chu sikul aṭangin ka hruai haw a, an tihduhdah dân chu hriain, Principal chu ka phone nghal a, mi tihduhdah leh hmuhsitin a nghawng chu midang hriattir a duh tih a sawi.
“Chuvângin, khawngaih takin in fate, chhungkua leh ṭhiante in zirtir thei ula ka duh a ni. Achhan chu, a hmawrhmuhna chu hei hi a ni…naupang an intihhlum chhante hi ngaihtuah chhin ve teh u.
“A ṭha thei ang bera thil thlir kan tum avângin a tlangpui chauh kan lo tarlang a ni…mahse mi kan tihduhdahna in naupang kum 9 mi a nghawng dân chu hei hi a ni” tiin a nu chuan a sawi.
He Viral video hi khawvela celebrity tam tak in an ngaihven hle a, Quaden an tihduhdahna leh tawrhna phêna nghawng a neih dan chu tarlangin he naupang hi an thlâwp tlat tih an tarlang a ni.
Radio personality Jackie ‘O’ Henderson chuan, “Nu leh pa dangte’n an fate hnenah midang tihduhdah ṭhatlohzia an zirtir ngei ka beisei a chhanchu i fate chunga chatlak lova vuak rik ang a ni a, chu chu adik lo a ni.
“Midang lungngai emaw mi an tihduhdah lai i hmu anih chuan va zawm suh. Chutiang mihring chu i ṭhian aṭangin paih rawh, chutiang chuan i ṭanpui tihna a ni” tiin a sawi.
Hugh Jackman pawhin Twitter ah video post in, “Quaden, i rin phak bakin i chak a nia, ka ṭhian. Eng pawh thleng se, ṭhian min nei reng a ni” tiin a sawi a. Wolverine actor chuan a fans te chu ‘khawngaihin midangte chungah ṭhat i chhuah ang u’ tiin a ngên a ni.
Married At First Sight Jessika Power chuan an laina hnai vuina huna a tel zawhin, viral video vângin Quaden chu a tlawh bawk a ni.
Tihian sawiin, ‘Harsatna a tawk nachungin mipa naupang harh vâng leh hlim thei tak a ni. Ka sawi duh zawng chu “Chak takin awm ang che, mi sang tamtak zingah mi bik leh naupang mak danglam tak i ni” tiin.
