A pa thil tum tihlawhtling ah inngaiin Rohit Kumar Yadav, Government Railway Police (GRP) constable, Unnao a thawk chuan naupang reithei zâwkte tân sikul a hawng ta rup mai le!
The New Indian Express in a tarlan dânin Yadav pa, retired IAF personnel, chuan an khua, UP Etawah district ah kum liamta khân sikul a hawng a mahse, an chhungkaw ṭhenkhat zîng aṭanga dodalna a tawh avângin a chawlhsan leh ta a ni.
Kum hmasa khân Rohit Kumar Yadav chuan naupang tê tê rêl chhûnga kutdawh a hmu a, chu chuan mi rethei zâwkte ṭanpui tûrin a nun hlan a tum ta a ni.
A thiltum tihlawhtling tûr hian ruahmanna a siam a, an nu leh pate hnênah kalin zirna chauh chu an tânna leilâwt thim chhah tak aṭanga tal chhuah theihna awmchhun anih thu hrilhin an fate zirna pe turin a hmin hlawm tih a sawi.
“Heng mi rethei tak tak, rêl kalkawng vela khawsa kual ṭhin chhungkaw hrang hrangte chu ka tlawh kual ṭhin a, thlatin nitinin an fate chu sikula lo kaltîr tûrin hmin ka tum ṭhin a ni. Mahse, a tam zâwk chuan an huphurh” tiin Yadav kum 2005 a sipai pâwl zawmtu chuan a sawi.
An fate sikul a kaltîr chu hetiang chhûngkaw tân chuan an sum hnar tih tawpna chikhat a ni tih a sawi a, chu bakah mi tam zâwk chu sikul admission tûrah harsatna an nei nghal tiin a sawi bawk.
A tâwp a tâwpah chuan, kumin kumtirah, khawlai sikul – ‘Har Haath Mein Kalam’ (a pen in every hand)– chu Unnao rêl station bulah hawn alo ni ta a ni. A tîr chuan naupang 5 chauh an nei a, thla a liam tihah mi 15 an kai chho nghal a ni. Thla 2 chhûngin Yadav chauh chu an sikul a zirtirtu awmchhun a ni.
Sikul a dinna a a senso te phuhru turin Yadav chuan uluk takin a duty hun leh a sikul kal hun chu a thliar hrang ṭhin a ni.
“He ka tawrhnate hi ka rawngbawlnaah ka ngai a, tin, kapa thil tum kha ka ti hlawhtling niin ka in ngai bawk” tiin Yadav chuan The New Indian Express a hrilh.
Thla engemawzat hnuah chuan, sikul chu Korari Panchayat Bhawan buildingah sawn phei a ni a, District Panchayati Raj Officer ṭanpuina avânga an lawmthu an sawi lang bawk. Tunah chuan sikulin zirtirtu 2 an neih belh tawh a, naupang 90 chuang an enkawl mêk a ni. A inpekna a ropuiin a ngaihsanawm hle mai.
