Model Sheyla Fong chuan ‘Khawvela bikini tê ber’ neitû anih arin thu a sawi. A taksa mawina chu swimwear te tak tê in a khuh a ni.
He Instagram star hian ‘khawvela bikini nei tê ber’ anih a inring a. Sheyla Fong chuan bikini te tak nêna a thlalak chu a pho chhuak a, a fans-te an tuiral chiang hle.
Ni 2 liamtaah khân, a thlalâk chu a indawt tê tê in a phochhuak a, like tu mi 11,000 a nei nghal a ni.
A inlan dân chuan a fans-te chu a barakhaih chiang hle a, mahse ṭhenkhat chuan a swimwear chu hak a hrehawm an rin thu an sawi ve bawk.
Sheyla Miami, Florida a chêng chuan, an hlauhthâwnna chu dahṭhat sakin swimwear chu hak a nawm thu a sawi.
Sheyla chuan, “A lang tlang viau na in, he bikini hi hak a nuam hle a ni” tiin a sawi.
Sheyla hi Cuban/Jamaican chhûl chhuak niin, he a bikini te tak tê hian Guinness World Record Book ah chakna a chantîr ngei a ring a ni.
A swimsuit chu amah ngeiin a teh a, 3cm chauhva hlai a nih thu a tarlang.
Sawi chhunzawm in, “He bikini nena Guinness World Record Book a lan chu thil ropui tak a ni ang.
“Mi tumahin hemi aia tê chu an siam in an hman theih ka ring lo” tiin a sawi.
He kum 31 a upa hian Instagram ah mi 1.1 million chuang followers a nei a, a taksa pianhmang a phochhuahna aṭangin kumkhatah £100,000 vel ala lût ṭhin tih a sawi.
Sheyla Fong chuan plus size model Ashley Graham ang a awm a tum a, taksa pianhmang diktak phochhuah hi a thupui ber a ni.
Hmân deuh khân, tihian sawiin, “Taksa dik tak pholanna hun thar kan chuangkai tawh. Victoria’s Secret model ho anga taksa lan mawi nâna in tih cher chawp hun chu a liam tawhin ka hria.
“Pianhmang dik tak, kan pianchhuah pui ang hi a ṭha ber…
“Internet a in phochhuak turin taksa chêr leh nalh tak neih kher ṭul anga kan ngai fo ṭhin hi kan paihbo angai a ni, he thil hian ṭhalai tamtakah nghawng ṭha lo neiin, thil ni thei tak tak si lovah taksa nalh neih tumin thilmak tak tak an tih phah angai fo ṭhin” tiin Sheyla chuan a sawi bawk a ni.
