Kum 2020 chu hripui lêng vângin India ram a Company ho te tan chona nasa tak a ni ngei ang. Tun kum bik atan India rama mi hausa thlanchhuah zingah hmel thar 161 lâi an lang a ni. Tech billionaire zingah a sang zual 15 kan lo tarlang dawn a ni.
1. Shiv Nadar, founder, HCL Enterprise:
Hindustan Computers Limited (HCL) dintu Shiv Nadar chuan pakhatna a hauh a, a sum hlut zâwng chu ₹1,41,700 crore a ni.
2. Azim Premji, founder chairman, Wipro:
Pahnihna hauhtu chu Wipro dintu Azim Premji a ni. A pawisa neih hlut zâwng hi ₹1,14,400 crore ni a chhût a ni.
3. Jay Chaudhry, CEO, Chairman and founder, Zscaler:
Tech billionaire hausa zinga pathumna chu CEO, Chairman leh cloud computing Company Zscaler dintu Jay Chaudhry a ni. A thilneih hlut zâwng hi an tarlan dân chuan ₹65,800 crore a ni.
4. Sunil Mittal, founder and chairman Bharti Enterprises:
A palina hauhtu chu Bharti Enterprises dintu leh chairman Sunil Mittal niin, a sum hlutna chu ₹25,500 crore a ni.
5. Vijay Shekhar Sharma, founder and CEO, Paytm:
A sum hlut zâwng chu ₹23,000 crore niin, Paytm CEO leh dintu Vijay Shekhar Sharma chu pangana hauhtu a ni. Hurun in a târlan dân chuan a sum dinhmun hi 2019 aiin 2020 ah 13% in a pung a ni.
6. Byju Raveendran, founder, Byju’s:
A 6-na hauhtu chu Byju Raveendran a ni. A sum dinhmun hi 2019 leh 2020 khaikhinin 113% laiin a ṭhang chho a, tuna a sum neihzat an târlan dan chuan ₹20,400 crore a ni.
7. S Gopalkrishnan, former Infosys CEO:
S Gopalkrishnan hi Infosys dintute zing ami a ni. India Infoline Wealth leh The Hurun Institute te chuan ₹18,000 crore neiin an tarlang a ni.
8. NR Narayana Murthy, Infosys co-founder:
Infosys dintute zinga mi NR Narayana Murthy sum neih hlut zâwng chu ₹16,400 crore a ni.
9. Divyank Turakhia, founder, Media.Net:
Divyank Turakhia hi khawvel huapa advertising company Media.Net dintu a ni a, a sum hlut zâwng hi târlan dân chuan ₹14,000 crore a ni.
10. Amod Malviya, co-founder, Udaan:
Amod Malviya hi Udaan, the Bangalore-based B2B e-commerce platform dintute zinga mi a ni a, a sum hlut zâwng chu 2020 ah 274% lai ṭhang chho in ₹13,000 crore a nei a ni.
11. Sujeet Kumar, co-founder, Udaan:
Sujeet Kumar pawh hi Udaan dintute zinga mi a ni a, Hurun Institute in an târlan dân chuan ₹13,000 crore a nei a ni.
12. Vaibhav Gupta, co-founder, Udaan:
Udaan dintute zinga mi tho Vaibhav Gupta sum neih hlut zâwng chu 2020 ah ₹13,000 crore a ni.
13. Nandan Nilekani, non-executive chairman, Infosys:
Nandan Nilekani hi Infosys dintu zinga mi leh non-executive chairman niin, sum ₹12,000 crore a nei mêk a ni.
14. Radha Vembu, product manager, Zoho:
Zoho neitu Radha Vembu chuan 14-na hauhin, sum ₹12,000 crore a nei a ni.
15. SD Shibulal co-founder, Infosys:
Infosys dintute zinga lang tel leh chu SD Shibulal niin, a sum neih hlut zâwng chu ₹12,000 crore a ni.
