The Bengaluru-based technician chu Malaya mandal, Telengana Jagdial district a achhungte ava tlawh ṭumin black magic ti ṭhin ah an puh a an hâl tih police-ten an sawi.
Telengana Police-te chuan kum 38 mi software engineer, Jagdial district a thah anih chungchângah chhuichian hna an thawk mek a. Report hmasa in a tarlan dân chuan Bengaluru-based techie hi a chhungte’n black magic ti ah puhin an hâl tih a tarlang a ni.
He thil hi Telengana Jagdial district ah Thawnṭanni (Nov. 23) tlailam a thleng niin, Software engineer thah anih chhan dik tak hi hriatchian ala ni lova, Police-ten thi ta pa in thubuai a thehluh angin an ziak lut a, chhuichian mêk a ni.
Kumin October thla khan, Jharkhand Garhwa district ah dawi lam thil (witchcraft) hmanga puhin hmeichhe 3 leh mipa 1 chu mipuiten phelhruak vekin an lo vaw hrep tawh a, mipui 50 rualten zuiin Narayanpur khaw chhungah saruak vekin an kal kual tir a ni.
Hetiang ang chiah hian thla hmasa khan Assam Karbi Anglong district ah mi 2, pasal sûn tawh kum 50 mi telin black magic ti ṭhina puhin an lo tihlum leh tawh a ni. He thil hi Rohimapur khuaa thleng niin, mi 2 te thattu leh an taksa haltu tualchhung mi 9 te chu police-ten an man tawh a ni.
He thilthlengah hian an khuaa upate’n an khaw tleirawl thihna chungchangah mi 2-te chu dawi thil hmanga puhin mawh an phurhtir vâng a ni tih kangaroo court chuan a sawi a ni.
