Mar del Plata resort, Buenos Aires ah hmeichhe pakhat chuan a phone rutu chu um in aman a, a lu chu che thei lova a siam (headlock) hnuah a thi chhuah thlengin a hnek siah siah mai a ni.
MMA fighter hmeichhia chuan a phone rutu pa chu a lu ah a hnek a ni. He hmeichhia hi Brisa ti chauha hriat a ni a, kar hmasaa Mar del Plata tourist resort, Buenos Aires ah a awm laiin a phone chu alo chhuh thut tih a sawi a ni.
He kum 20 mi leh a thiante chuan chupa tlanchhia chu an um ta a. Hnathawka lo awm hote chuan chupa tlân lai chu an lo tiding a, Brisa chuan a phone chu chhuhin a lu ah chuan a hnek hrep mai a ni.
Brisa, mixed martial arts thiam chu 4’9″ chauh ni chungin chupa chu a headlock thei a ni.
Thisen a chhuah hnu chuan a thlah ta a, a kalsan hmain ankhumin ,”Mi tlaktlai lo lutuk, hna zawng rawh! Nilenga hna ka thawhna hmanga ka lei hi second 3 leka i ruk mai mai turin maw? a ti a ni.
Ahnuah police lo thlengin a kut an phuar a, an la ta a ni. He rukru pa chanchin hi police ten an chhuizui mek a ni.
Brisa chuan a hnuah sawifiahin, ‘Huatna hlirin ka khat a ni ber, achhanchu phone thar lei nan a thla tel hnathawkin ka inkhawl ve ṭâng ṭâng a’ tiin.
TV show ‘Nosotros a La Manana’ a an kawmnaah sawiin, “Nilengin hrileng karah hlawh tlem zawkin ka inhlawh thin a, ka hlawh chanve aia tam daih second 3 lek a neih a tum kha ka pawm thei ngang lo” a ti a ni.
“Khapa khan thil aruk tawhloh ngei ka beisei. Vanneithlak takin MMA ka zir thin avangin mahni ka inveng thei hlauhva, midang chungah chuan thleng ngailo se ka duh a ni” tiin a sawi a.
Sawi chhunzawm in, “Ka chêt dân kha ka inchhuang a, inchhirna ka nei lo” tiin a sawi bawk a ni.
