Sipai, ram tana ṭhahnemngai taka thawk National Guard chu mahni a intihlum a ni. He thil atih hma hian a hnathawhnaah mipat-hmeichhiatna lamhawia tih nawmnah a ni thin tiin hêkna thu a thlen a– mahse military branch atangin engmah puihna a dawng lo tiin a nu chuan a sawi.
“Chu thil ngei chuan a nunna a la a– a ti kehchhe vek tak a ni” tiin officer Morgan Robinson-i nu Debbie Robinson chuan CBS Evening News a hrilh a ni.
“A taksa an duh a, a thlarau an la ta zawk si.”
Morgan Robinson intihhlumna rapthlak tak mai thlen chhan hi kum 2 liamta atanga inṭan tawh niin, anmahni endiktu (supervisor) zinga pakhat chuan Kuwait a awmhmun an khuar laiin mipat-hmeichhiatna lamhawiin vawitam tak alo khawih fo thin a, chu thil chu U.S military chuan an mahni chhung ngeia thilthleng a ni nachungin chhuizuina kawngah hma an la miah lo tiin CBS chuan an tarlang.
Morgani’n a chunga thilthleng chungchangah hêkna thu ava thlen chuan, hotu lampang atangin supervisor hremna emaw Morgan thlavang hauhna engthilmah an ti lo tiin a nu chuan a sawi a ni.
Sipai rual Afghanistan a thawn an nih laiin, Robinson pawh tel ve in hetah hian sipai thenkhatte’n an pawngsual rawn tih CBS chuan an tarlang. He hunah hi chuan a hlau tawh hle a, report pawh awmzia awmin a hre ta lova– thla 4 hnuah a intihlum ta a ni.
Sipai pawl chuan a hun lo taka a thih chhan chu an chhui tan ve ta a, a hnuah report chu Debbie hnenah an pe a mahse a kimchang tawh lo a ni.
An thuziak ah chuan, “Surgeant Robinson chuan sipaia a kalna hmunah hurna lamhawiin, tisa thilah leh rilru lama attheihna hial a tuar a, he a hliam hi tuar lovin a thih phah ta a ni” tiin CBS chuan an tarlang.
“Engtinnge khatia ding reng chunga, ka mitah tak en chungin kha thil kha min hlan ngam zawk” tiin a nu chuan a sawi a ni.
Anu chuan Morgan thihnaah hian sipaite chuan mawh an phur ngeiin a ngai a– a fanu in mipat-hmeichhiatna lamhawia an khawih thu a report hmasak laia an chhuichian loh avang leh thilthleng an buaipui loh avangin a dem hlawm hle a ni.
“Anmahni pawh an invengin an in enkawl theih loh chuan engtinnge an inchhuichhuah theih tehlul ang ni? An thei lovang tiin Debbie chuan a sawi a, sipai ho zinga mipat-hmeichhiatna lama mi tibuai thinte chhui chiang turin pawn lam atanga thawktu an awm angai a ni a ti bawk.
A thih atanga thla 8 a ral hnuah, Kuwait an awm laia officer tibuaitu pa chu a tâwp a tâwpah na taka hauhna lehkha an pe ve a– chu chu Debbie chuan a nepin a tlai tawh lutuk tiin a sawi.
“A hna hi a tuina anih bakah, a ram tana thawk a ni” tiin a fanu January 2010 a sipai zawm ta chanchin chu a sawi a, “Ka lu ah hian thil eng emaw hi a vir mup mup mai a, ‘Thil chân ka nei em? Thiltih theih ka nei em? tiin ka ngaihtuah ngut ngut mai thin tiin a sawi.
Sipaite chuan an thuchhuahah mipat-hmeichhiatna thila mi tihbuai report chungchangah officers te chuan chhui chiangin, supervisor chu a phu tawk hremna pek anih thu an ziak a ni.
“Department chu sipai ho zinga hurna lamhawia buaina awm thin tihtawp kan tumna kawngah an inpe zo em em mai a, hnathawktu tha ber ber min pek bakah thil tisualtu chu an phu tawk hremna an pe thin a ni” tiin Army’s principal policy adviser Elizabeth Van Winkle chuan a sawi a ni.
