Dolly Parton in a lo suangtuah fo thin Playboy Magazine hma phêka a thlalak chuantir chu a thleng dik dawn niin a lang.
January 2021 khian ‘Jolene’ tih hla satu hi kum 75 a tling dâwn a, hmanni lawka minute 60 chhûng thu a sawinaah a thiltum chu a piancham a thlen hunah vawikhat tal magazine phêk a chuan a duh thu a sawi a ni.
Dolly chuan, “Chawlh mai mai hi ka la tum lo, tunah kum 74 mi ka ni tawha Playboy magazine ah ka thlalak chuantîr ka tum a ni. Kum tamtak liam taah khan Playboy magazine ah ka chuang tawh a, min chuantir leh anih chuan ka tan thil lawmawm tak a ni ngei ang” tiin a sawi.
Magazine aiawha thusawitu chuan LADbible a hrilhdanin “Dolly thlalâk sak hi kan duh takzet a ni, a tih tur zawng chu a duh thu a sawi chhuah hi a tawk a ni” tiin a sawi.
Dolly Parton hi October 1978 ah khan magazine cover-ah alo chuang tawh a, sazupui angin thawmhnaw dum leh beng nen a inthuam nghe nghe.
Kum 32 mi a nih laiin Country singer zinga a hmasa ber ni turin Lifestyle Magazine tan in pose tur a tih a ni a, nimahsela, saruak ang chi erawhin a theihloh bur tiin dân khawng tak a siam a ni.
October thla khan he zaithiam hi Scott Mills leh Chris Stark te nen Radio 5 Live Show ah inbiak hona an neih laiin alo comeback maithei tih a sawi bawk.
Kum 75 a tlin huna Magazine cover ah lan a tum tih thu chu a dik leh dikloh an zawt a, tihian chhangin, “Aw, ka ti maithei, ka dam tha a ka ti thei anih chuan leh ti tura a min duh bawk chuan, a chhunga dah atan interview tha tak kan ti nghal ang” a ti bawk.
A hma lama thla alo lâk tawhna te an thlirlet a, tihian sawiin, “Hmanah khan kha zawhna kha min zawt fo thin a, mahse kha kha chu keimah ka ni lo bur, khatiang thil kha ka ti ngai lovang. Mahse thil tha tak an ti tho, a hlimawm ve hrim hrim. Kha thil kha keimahah sumdawn dân chi dang deuh a nih mai bakah khang hun lai khan, midang mit lâk leh lar duh hunlai a ni bawk nen” tiin a sawi a ni.
A hma a mi sazupui thuam (bunny outfit) ang chiahin ala tih duh leh duh lo tur an zawhna chu, Dolly chuan in zawh tur awm reng a ni tiin a chhang.
Sawi chhunzawmin, “Ka la hmang thei mai thei asin, ka hnute pawh ala pângngai reng mai. Cartoon ka ang deuh reuh a, cartoon te chu an tar tak tak thei lo. Kum 90 ka tlin hunah pawh ka landan chu ala pângngai deuh reng ang, makeup a chhah deuh ang a, sam a puk deuh bawk ang a” tiin a sawi a ni.
