Indonesia rama mithi dahna kuang siamtu pa pakhat chuan lung manto chi Meteorite a chhar fuh hlauh maia nikhat thil thuah mihausa tawntaw ah a inchhuah ta der a ni. He lung hi a lo berah £1.4m man hu a ni.

Josua Hutagalung, 33 Kolang, North Sumatra a cheng chu a inbulah thlan a siam mek laiin a In veranda chung zawnah tak lung manto hian a rawn deng thla dawrh maia, hemi ni atang hian a hring nun chu vanneihna in a um zui ta tih an sawi.

He lung man tam hi 2.1kg a rit niin, a inchung rangva chu ati kaw huau mai a ni. leiah 15cm a thuk a lut a ni.

Meteorites diktak a tlawm ber chi hi gram khatah $0.50 atanga $5.00 man te an ni a, he khawvela metals vang tak extra-terrestrial ang chi hi gram khatah $1000 thlengin an hralh thin a ni.

Josua chuan lung chu a lai chhuak a, a lung chu a la lum thu leh tlemte in a khem tih a sawi a ni.

He thil hi kum 4.5 billion a upa niin an chhût a, CM1/2 carbonaceous Chondrite pâwl ami nih thu an sawi.

“Lung chu ka lak lai chuan ala lum ther ther a, inchhungah ka dah lut nghal” tiin Kompas a hrilh a ni. Sawi chhunzawm in, a ri chu a ring em em mai a, ka va zawn chuan inchung rangva pawp chu ka hmu ta tiin a sawi bawk. He thil hi miten an sawi thin vân sâng a awm thin meteorite anih ngei ka ring a, achhanchu, tumahin vân atangin lung an lo vawm emaw an thlâk ka ring lo tiin a sawi a ni.

An thenawm khawvengte pawhin thil ri ring tak mai an In nghawr khawp chu engnge anih hriatchian tumin Josua te in chu an pan khawm a ni.

Meteorite kum 4.5 billion vel zeta upa chu £1.4 million man vel niin, chu lung man atan chuan a tlukpuiin Josua chu kum 30 chhung hlawh pek a ni dawn tih The Sun chuan an tarlang.

Josua hian fapa 3 a nei a, a pawisa thenkhat chu an khuaa biakin sak nan hman a tum thu a sawi a ni. Fanu a neihloh avangin neih a chak thu a sawi fo bawk a, he thil hi fanu nei tura a vanneihna thlentu anih a rin thu The Sun a hrilh bawk a ni.

U.S meteorite expert Jared Collins chuan a phone a han en chuan meteorite lei tur a awm thu a hmuh chuan a phu zawk tih a sawi a. Covid-19 vanga buailai tak a ni bawk nen, ama tân nge a lei ang a, scientist te emaw U.S a hetiang lam zawng mite a thawhpui zawk ang tiin a rilru a buai hle tih a sawi.

Josua hmu tur chuan pawisa a tam thei ang berin a khâwm theih ang ang chu a keng ta a, Josua chu biak nuam tak anih thu a sawi bawk a ni.

Collins chuan meteorite chu U.S ah a phur thla a, Jay Piatek, Indianapolis a doctor leh meteor collector chuan a lei tih the Lunar and Planetic Institute, Texas, U.S chuan an tarlang a, he meteorite hi CM1/2 carbonaceous Chondrite pâwl zing ami niin, thil vâng lutuk tak mai anih thu an ziak tel bawk a ni.

LEAVE A REPLY

Please enter your comment!
Please enter your name here