Nausen pakhat chu lo piangchhuak in sazu 2 leh til 2 a nei a ni.
He naute hian phing atanga zun lo chhuahna (urethra) 2 a nei bawk a, a awmziaah chuan a sazu 2 atangin a zung thei ve ve tihna a ni. Hemi bakah hian rilpui ber (colons) 2 eknaa inzawm nghal leh mawngkua 2 neiin a ping a, Dâktawr te chuan an zai sak a tul dawn a ni.
He thilthleng mak danglam tak mai hi International Journal of Surgery Case Report ah sawiho a ni a, doctor-te chuan naute hian natna vang tak mai Caudal Duplication Syndrome (CDS) a neih vang anih thu an sawi a ni.
He thilthleng ziaktu, Ahmed Maher Ali leh a team-te Pediatric Surgery Unit, Assiut University Children Hospital, Egypt chuan: “Caudal Duplication Syndrome (CDS) vanga nausên sazu 2 leh til 2 nei leh a taksa chhung thenkhat pahnih nei kawp kan lo tarlang a. Hetiang thil mak leh danglam hmu thei leh zirchiang thei a kan awm hi a hlut dan a dangdai hle a ni” tiin an sawi a ni.
Nausen mipa sazu 2 leh til 2 nei, tilmu 2 leh zunna kawng (urethra) 2 nei, colons 2 leh mawngkua 2 nei hi, Dâktawr ten a mawngkua lama diklohna awm chu an siamthat zawhin chaw an pe chauh a ni.
Hetiang thilthlen chhan hi zirchianna neih mek zel a ni a, “Tunah chuan CDS thlen chhan hi hrilhfiah tum thin mahse an hrilhfiah thei rih chiah lova. A pawmawm ber a chu phîr lo piang tur a insiam, inthen hran theihloh vang tih hi a ni. CDS natna lanchhuah dan dang chu mawngkua pingte, kal anih dân tur anga ni lote leh nausen taksa chhunga mi pumpui/taksa pawn lama lo chhuak angte in langchhuak a ni.
“CDS hi natna vang tak mai anih avangin arual a buaipui ngai chi a ni a. Nausen enkawlnaa mithiam leh zaithiam tamtak pawhin a an tih theihloh thil a nih thin avangin CDS hi chu mithiam bik te hnenah hlan an ni thin a ni.”
He nausen hi a pianhlimin 2.6kg a rit a ni a, tilmu 2 neiin a til ah mu 1 ve ve a awm a ni. Alo ṭhanlen deuh hunah thil bawhzui ngai a tam hle dawn a ni.
He thilah hian Dâktawr ten thla 16 a tlinin siamthat hna thawh tan an tum a ni.
Nikum khan Turkey ramah mipa naupang sazu nei lovin alo piang tawh bawk a. Erbakan University Hospital, Konya-a Dâktawr-te chuan hetiang hi penile agenesis niin mipa naupang maktaduai 10–30 zinga pakhat awm ang chauh a nih thu an sawi bawk a ni.
