Actress kum 25 mi hian a taksa chhungril lampang thlalak pho chhuakin, a dinglam koki hnuaia uluk tak maia a tattoo chhut kai chu mite hmuhah a pholang.
Thawmhnaw eng parchiai mai nipuia hak chi ha in, Nicola chuan a fans-te hmuh atan a taksa a tattoo chu a pholang a ni.
Vun ngo leh sam buang hmeltha bawk si chu darthlalang hmaah thu in, a tattoo thla chu la in, social media kaltlangin a pholang.
Brooklyn Beckham leh Nicola-te hi an an inhmehin social media ah in hmangaih taka an lanna thlalakte an pho chhuak fo thin a, an thlalak hnuhnung ber phei hi chuan Nicole leh Brooklyn, 21 te in pumpek tawn zia leh inhnaih zia a tilang chiang hle a ni.
Tunah chuan an pahnih hian an tattoo ah an intarlang tawn ve ve a, Brooklyn hian thla hmasaah khan, mit lem tattoo chu alo pholang tawh a, fans-te chuan a nupui hual mit a ni ngei tih an chiang nghal hle a ni.
Thla hmasa khan an inngaihzawn anniversary ah saruak a phuan deuh nuaia an inbual dun lai thlalak chu an lo pholang tawh bawk.
Nicola chu a pasal hualin heart-shaped rose var a siam, lian tha tak mai a pek avangin a luangliam zawih zawih mai a ni.
Actress chuan hlim leh nuam ti tak maiin, “Khawvela hmeichhe vannei ber ka ni” tiin a ziak ngat a ni.
Brooklyn chuan a nu leh pa kum 21 inneih anniversary an hman zawh hnu rei vak lovah, July thla tira an zawhna chu chhangin July 11-ah khan an inhual thu hi a puang a ni.
