Hmeichhe pakhat ramngaw a kang an hmuh thu chu tualchhung mite hnen atang report dawn a ni a.
Police te chuan report bawhzuiin Nov. 14 dar 6:15 pm khan an thleng hmasa a, hmeichhe taksa chu an va hmu ta a ni.
Moston, Manchester police ten petrol bur hring an hmuchhuak bawk a ni.
Tualchhung miten mipakhat kang an hmuh thu 999 an call atanga reilo te ah an lo thleng nghal a ni.
Hmeichhia thihna chhan dik tak, a kum leh nihna, a kanna chhan te hi Police ten chiang takin an la hre lo tih Manchester Evening News chuan an tarlang.
Thil thlenna hmun a thlalak hmuh ang hian thingkung tamna hmunah Police te chuan tuma luh theihloh turin an hung thlap tawh a ni.
A hmunah chuan Kangthelh motor leh police motor 2 aia tlem lo an awm bawk a ni.
Greater Manchester Police thu puangtu chuan, “Vawiin tlai dar 6.15 pm (Inrinni November 14) khan fire service atangin Williams Road, Moston ramngaw a mihring kang report an dawn chu an lo hrilh chhawng” tih a sawi.
Emergency services te a hmuna an va thlen chuan, lungchhiatthlak takin hmeichhe taksa chu an va hmu ta a ni.
Thil thlenna hmun chu khawih danglam loh niin, kangmei chhuahna chhan hre turin an chhui mek a ni.
