Pennsylvania a middle school gym trainer ni thin chu a sikul naupang mipa kum 14 mi thla 7 chhung zet a lo mutpui tih hriat niin, kumtling lo mipat-hmeichhiatna a lo hmanpui avangin thiamloh chantir a ni.

Rochelle Cressman kum 33 mi chu Thawhlehni (Nov. 10) khan Court ah inlanin naupang chunga mipathmeichhiatnaa hmang sualah puh niin kawng 3 ah thiam loh chantir ani. Case pakhat zel hi kum 20 jail bang zut theihna leh $ 25,000 chawi theihna a ni.

May 2019 a man anih khan, the Veteran Titusville Middle School physical education teacher chu case 66 lai maiah thubuai awrhtir a ni nghe nghe.

An puhna chungchanga a chhânna leh ngenna avangin, sual a puhtute chuan Cressman an puhna 63 chu sût let an remti a, nimahsela, a lo berah kum 6 -12 tal tang turin leh kum 10 chhung enthlak zui ni bawk se tiin ngenna an siam tih The Meadville Tribune chuan an tarlang.

Intiamkamna nen meuh thu ziakah chuan, Cressman chu mipa naupang kum 14 mi mipat-hmeichhiatna hmanpui kawngah a a bul tantu a ni a, September 2018 atangin April 2019 thlengin he naupang hi a lo kawp tih an sawi.

Pennsylvania State Police-te chuan he hmeichhia leh rawlthar hi karkhatah vawi 2 mipat-hmeichhiatna an hmang dun thin tih sawiin, Cressman-i chuan Oil Creek Township ah leh Titusville-a an chenna Inah hun a hmanpui thin tih an sawi a ni.

Cressman chuan rawlthar nena inlaichinna chu tumah hrilh lo tura hrilhin, miin an hria anih phawt chuan an pahnih chungah pawi a khawih tur thu in a vau thin a ni.

Cressman chu middle school ah hian kum 2009 atang khan a thawk tan a, nikum april 2019 a Police ten a thiltih dikloh avanga an man thlengin a thawk a, May thlaah pangngai takin a bang zui ta a ni.

Zirtirtu hmingchhe tak hi hurna hmansual kawng 10 ah thiamloh chantir a ni a, kum 16 hnuailam mipat-hmeichhiatna a hmanpui avangin thubuai a awrh mek bawk.

Cressman-i chu $75,000 chawi tur leh ziaka intiamkamna neihtir anih hnuah chhuah lailawk tir a nia, nakum February ah a hrem dan tur thutlukna siamsak a ni dawna, court ah inlan ala hmabak a ni.

LEAVE A REPLY

Please enter your comment!
Please enter your name here