Nula kum 20 a upa chu Damdawi in ah Doctor leh Damdawi ina thawktu dangten pawngsualin an that zui tih hriat ani.
India ram zet hi zawng hmeichhiate chunga hleilenna leh sualna hian chintawk a nei dawn lo a ang hle. Mipat-hmeichhiatna lam hawia intihluihna, ram pum dengchhuak khawp thil chu a thleng leh ta. He hmeichhia hian a nu leh pate hnenah Manjhanpur, Uttar Pradesh a private damdawi inah khawih anih thu hi a thih hma in a lo sawi tawh a ni.
A pa in a fanu chunga thilthleng chu damdawi ina thawk hotute hnenah hrilhin, a fanu chu rilru lamah chianlohna a neih thu an lo hrilh a ni.
A fanu thihna avangin, apa chuan Senior district officialte chu hmuin an harsatna chu ala thu tak hle niin The Deccan Herald chuan a tarlang.
He thil thleng rapthlak tak chungchang chu tunah hian Police-ten an chhui zui mek a ni. An sawidanin doctor leh a hnuaia thawk he thila inhnamhnawih zawng zawngte chu an tlanbo vek niin an sawi.
Pawngsual tawktu kum 20 a upa hi Kokhraj, Uttar Pradesh mi niin, khawsik leh pumna avangin private hospital ah hian dahluh (admitted) a ni.
Uttar Pradesh a senior district official Kaushambi chuan, pawikhawihtute hian hremna an hmu ngei dawn tih a sawi. He thil titute chungah hian na takin hremna pek an ni ang a, an damdawiin licence pawh sûtsak (cancelled) an ni ang tiin a sawi bawk.
Mahse Damdawiina an manager Sanjiv Kumar chuan an puhna chu ‘inphiarrukna’ a ni tiin a sawi ve thung.
Kum 2012, New Delhi a inpawngsual rawnna leh Jyoti Singh bus a thah anih khan India ram mipuite chuan mak tiin kan thlabara, ram pumah he thil thleng duhlohna lantir a lo ni tawh nghe nghe. Mahse Mipat-hmeichhiatna lam hawia hmeichhiate chunga chetna chu a reh tak tak chuang lo ani.
National Crime Records Bureau (NBRC) in a tarlan dan chuan, India ramah hian nitin pawngsualna vawi 90 thleng ziah ang a report a ni a, mahse thenkhat hlauhna avanga in report lo an awm nual bawk.
Kar hmasa khan, Indian damdawi inah kum 21 mi T.B natna avanga ICU (Intensive Care Unit) a awm, nikhawhre mumal lova awm chu pawngsual alo ni tawh bawk a ni.
